«Nurly jol» «Qazaqstan» Ulttyq arnasynyń basty baǵyty bolmaq

ASTANA. QazAqparat - Elbasynyń «Nurly jol» baǵdarlamasy «Qazaqstan» Ulttyq arnasynyń basty baǵyttarynyń biri bolmaq. Bul týraly búgin 2013/2014 jylǵy telemaýsymnyń aıaqtalýyna arnalǵan «Jyl tańdaýy» saltanatty sharasynda telearna basshysy Nurjan Muhamedjanova málim etti.

«Prezıdenttiń «Nurly jol - bolashaqqa bastar jol» atty halyqqa joldaýy bizdiń jaqyn jyldardaǵy jumysymyzdyń basty baǵdary bolady», - dep atap ótti ol «QazAqparat» tilshisine bergen suhbatynda.

Onyń sózine qaraǵanda, qazirden bastap «Qazaqstan» telearnasy halyqqa joldaýdyń negizgi maqsat-mindetterin túsindirýge baǵyttalǵan taqyryptardy jıi qozǵaýda.

«Biz bul qyrýar jumysty ózimizdiń medıakontent arqyly berýge tyrysamyz. Bizdiń mindetimiz - Prezıdent aıtqan 7 baǵyt týraly, jaqyn arada eldiń damýy qandaı bolady, ol sharalardyń mýltıplıkatıvti áseri jaıynda habardar etý», - dep túıdi sózin N. Muhamedjanova.

Onyń málim etkenindeı, 2014 jyly Ulttyq arnanyń ónimderin árbir besinshi qazaqstandyq tamashalaǵan. Qazaq tildi aýdıtorııandaǵy kórermenderdiń sany boıynsha «Qazaqstan» tipti kóshbasshy bolyp tabylady.