«Nurly jol» Qazaqstan ekonomıkasynyń qarqyndy damýyna múmkindik beredi - Mońǵol ulttyq-demokratııalyq partııasynyń basshysy

ASTANA. QazAqparat - «Qazaqstan Prezıdenti Nursultan Nazarbaev Qazaqstan halqyna arnalǵan Joldaýynda álemdik ekonomıkada qıyn kezeńniń bastalǵanyn atap ótti, - degen pikirin bildirdi Mońǵolııanyń burynǵy premer-mınıstri (1996-1998), Mońǵol ulttyq-demokratııalyq partııasynyń basshysy M.Enhsaıhan.

«Qazaqstan munaıdy satýdan tapqan qarajatyn Ulttyq qorǵa salǵan. Ondaǵy qarajat kólemi 105 mlrd. AQSh dollaryna jetken. Joldaýda Ulttyq qor qarajaty temir jáne avtomobıl joldaryn salýǵa, ınfraqurylymnyń damýyna baǵyttalatyny aıtylǵan. «Nurly jol» baǵdarlamasy Qazaqstan ekonomıkasynyń qarqyndy damýyna múmkindik beredi», - deıdi ol.