«Nurly jol» boıynsha 6,5 mlrd teńgeniń zań buzýshylyqtary anyqtaldy - Qarjy mınıstri
«Esepti kezeńde 18 aýdıtorlyq is-shara iske asyryldy. 37,4 mlrd teńge bıýdjet qarajaty qamtyldy.
Jalpy 6,5 mlrd teńgeniń zań buzýshylyqtary anyqtaldy. Onyń ishinde 4,3 mlrd teńgesi Astana qalasy boıynsha ınjenerlik-kommýnıkatsııalyq ınfraqurylymdy jobalaýǵa, damytýǵa jáne salýǵa konkýrstarda memlekettik satyp alý týraly zańnamanyń buzylýyna baılanysty jáne 1,2 mlrd teńgesi Qaraǵandy oblystyq qurylys, arhıtektýra jáne qala qurylysy basqarmasymen orta bilim berý nysany qabyldap alý aktisiz qoldanysqa berýimen baılanysty boldy», - dedi mınıstr.
Onyń aıtýynsha, esepti kezeńde buzýshylyqtardyń 339 mln teńgesi taýarlardy jetkizý, qyzmetterdi kórsetý jáne jumystardy atqaryp qalpyna keltirý jolymen túzetildi. Qalǵan somasy boıynsha jumystar júrgizilip jatyr.
Aldyńǵy jyldary memlekettik baǵdarlama aıasynda jeńildetilgen nesıe alǵan tóleýshilerden bıýdjetke túsken salyq kólemi aǵymdaǵy jyldyń 1 qarashasynda 41 mlrd teńgeni qurady. Onyń ishinde jeke tabys salyǵy - 4 mlrd teńge jáne korporatıvtik tabys salyǵy - 15 mlrd teńge. Byltyrǵy jyldyń osy kezeńimen salystyrǵanda 4 mlrd teńgege salyq kóp tústi, ıaǵnı ósý qarqyny 11 paıyzdy qurady. Jyl sońynda memlekettik baǵdarlamanyń nátıjelerine qol jetkizý úshin ortalyq memlekettik jáne jergilikti atqarýshy organdar baǵdarlamaǵa bólingen qarajattyń tolyq ıgerilýin qamtamasyz etýi kerek», - dedi Álıhan Smaıylov.