«Nurly jol - bolashaqqa bastar jol» Joldaýyn iske asyrý jónindegi Parlament Senatynyń sharalar jospary bekitildi
Bıýroda Májilisten túsken zań jobalary bólinip berildi. Konstıtýtsııalyq zańnama, sot júıesi jáne quqyq qorǵaý organdary komıtetine «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobasy berildi. Osy komıtet «2000 jylǵy 7 shildedegi Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Azamattardyń ózara saparlarynyń sharttary týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zań jobasy boıynsha da bas komıtet bolyp belgilendi.
Áleýmettik-mádenı damý jáne ǵylym komıteti «Memlekettik jastar saıasaty týraly» jáne «Qazaqstan Respýblıkasynyń Eńbek kodeksine ózgeris pen tolyqtyrý engizý týraly» zań jobalary boıynsha bas komıtet boldy.
Qarjy jáne bıýdjet komıteti «Qazaqstan Respýblıkasynyń Úkimeti men Katar Memleketiniń Úkimeti arasyndaǵy Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly kelisimdi jáne oǵan Hattamany ratıfıkatsııalaý týraly» zań jobasy boıynsha bas komıtet bolyp bekitildi.
Agrarlyq máseleler, tabıǵatty paıdalaný jáne aýyldyq aýmaqtardy paıdalaný komıteti «Shekaraaralyq sý arnalary men halyqaralyq kólderdi qorǵaý jáne paıdalaný týraly konventsııanyń 25 jáne 26-baptaryna túzetýdi ratıfıkatsııalaý týraly» jáne «Qazaqstan Respýblıkasynyń Úkimeti men Janýarlardyń saýlyǵy jónindegi dúnıejúzilik uıym arasyndaǵy Janýarlardyń saýlyǵy jónindegi dúnıejúzilik uıymnyń Aýsyl boıynsha sýbóńirlik úılestirý keńsesin Astana qalasynda qurý týraly kelisimdi ratıfıkatsııalaý týraly» zań jobalary boıynsha bas komıtet bolyp belgilendi.
Bıýro otyrysynda 2014 jylǵy 26 jeltoqsanda bolatyn Senat otyrysynyń kún tártibi talqylandy.
Senatorlar «2004 jylǵy 19 qańtardaǵy Qazaqstan Respýblıkasynyń Úkimeti men Belarýs Respýblıkasy Úkimetiniń arasyndaǵy Halyqaralyq avtomobıl qatynasy týraly kelisimge ózgerister engizý týraly hattamany ratıfıkatsııalaý týraly»; «Qazaqstan Respýblıkasynyń Úkimeti men Ázerbaıjan Respýblıkasynyń Úkimeti arasyndaǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkatsııalaý týraly»; «Táýelsiz Memleketter Dostastyǵy sheńberinde qupııa aqparatty qorǵaý týraly kelisimdi ratıfıkatsııalaý týraly»; «Qazaqstan Respýblıkasynyń keıbir zańnamalyq aktilerine Halyqaralyq teńiz uıymynyń aýdıtinen ótý máseleleri boıynsha ózgerister men tolyqtyrýlar engizý týraly» (birinshi oqylym); «Qazaqstan Respýblıkasynyń Ulttyq ulany týraly»; «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń Ulttyq ulany, Qarýly Kúshteri jáne Memlekettik kúzet qyzmeti máseleleri boıynsha ózgerister men tolyqtyrýlar engizý týraly» (birinshi oqylym); «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» (birinshi oqylym) zań jobalaryn qaraýdy josparlady.
Bıýro otyrysynda Parlament Senatynyń 2015 jylǵa arnalǵan Negizgi sharalar jospary, sondaı-aq Prezıdent N.Á.Nazarbaevtyń «Nurly jol - bolashaqqa bastar jol» atty Qazaqstan halqyna Joldaýyn iske asyrý jónindegi Parlament Senatynyń sharalar jospary bekitildi.