«Nurly jol» baǵdarlamasyn júzege asyrý nátıjesinde elimizde jańa ekonomıka men ınfraqurylymdyq qańqa qalyptasady - Elbasy
«Nurly jol» ındýstrıaldy-ınnovatsııalyq damý baǵdarlamasyn júzege asyrýdyń nátıjesinde bizdiń elimizde jańa ekonomıka jáne jańa ınfraqurylymdyq qańqa qalyptasady. Bizdiń elimiz óz aldyna zor maqsattar júktep otyr. Olardyń oryndalatyndyǵyna men senimdimin. Biz turaqty ósim jáne Qazaqstannyń damyǵan elder sanatyna kóshýi úshin ınstıtýtsıonaldy ortany jaqsarta túsetin barynsha tereń reformalardyń qajet ekendigin túsinemiz», - dep atap ótti Memleket basshysy. Elbasy óz sózinde 5 ınstıtýtsıonaldy reformaǵa toqtalyp ótti. «Birinshisi, memlekettik basqarýdy, barlyq júıeni jetildirý. Ekinshisi, zań ústemdigin qamtamasyz etý, ekonomıkalyq ósimdi yntalandyrý, qazaqstandyq birtektilikti nyǵaıtý jáne sońǵysy memlekettiń halyq aldyndaǵy transparenttiligin, eseptiligin arttyrý. Bul reformalardy júzege asyrý úshin barshaǵa arnalǵan qazirgi zamanǵy memleket qurýdyń naqty 100 qadam jospary qabyldanyp, jarııa etildi», - dedi QR Prezıdenti.