«Nurly jol» baǵdarlamasyn iske asyrý nátıjesinde jergilikti qurylys ındýstrııasynyń qýaty artty - S.Kýlagın
Bul týraly búgin Aqmola oblysynyń ákimi Sergeı Kýlagınniń qatysýymen Ortalyq kommýnıkatsııalar qyzmetinde buqaralyq aqparat quraldarynyń ókilderi úshin ótip jatqan baspasóz máslıhaty barysynda aıtyldy. Aımaq basshysynyń aıtýynsha, óńirde kásiporyndardyń turaqty jumysy ındýstrıaldy salada ósý qarqynyn qamtamasyz etýge múmkindik berip otyr. «Ónerkásip óniminiń kólemi 251 mlrd.teńgeni nemese ótken jylǵy deńgeıge qaraǵanda 106,1 paıyzdy qurady. Óńdeý ónerkásibinde 108,6 paıyz boldy. Joǵarǵy qarqynǵa metallýrgııa - 131,6 paıyz, hımııa ónerkásibinde - 161,7 paıyz, tamaq ónimderiniń óndirisi - 102,3 paıyz salalarynda qol jetkizildi. Indýstrııalandyrý kartasynyń jobalary qomaqty úles qosýda. Olardyń ónerkásip óndirisindegi úlesi 29 paıyzdy (2014 j.- 25 paıyz ), óńdeý ónerkásibinde 38 paıyzdy (2014 j. úles - 34 paıyz) qurady. Respýblıkalyq kólemde oblystyń úlesi: podshıpnık shyǵarýdan - 100 paıyzdy, júk avtokóligin qurastyrýdan - 60 paıyzdy, altyn óndirýde - 30 paıyzdy, qurylys kirpishi 22 paıyzdy quraıdy. «Nurly jol» baǵdarlamasyn iske asyrý nátıjesinde jergilikti qurylys ındýstrııasynyń kásiporyndary ózderiniń óndiristik qýattylyqtaryn júkteýdi arttýǵa múmkindik aldy», - dedi Sergeı Kýlagın. Sonymen qatar óńirde jyl basynan beri Indýstrııalandyrý kartasyna 6 engizilip otyr. Ótken jyldyń sáıkes kezeńinde 8 kásiporyn tirkelgen bolatyn. «Qolda bar qosymsha rezervter, kásiporyndardy júkteýdi arttyrý, jyl qorytyndysy boıynsha ónerkásip salasynda ósý qarqynyn saqtap qalýǵa múmkindik berip otyr.Indýstrııalandyrý baǵdarlamasynyń birinshi besjyldyq josparyn iske asyrý kezeńinde óńdeý ónerkásibindegi eńbek ónimdiligi 2 esege deıin artyp, 2014 jyly 19 myń AQSh dollaryna jetti. Bul ótken jyldyń sáıkes kezeńimen salystyrǵanda 78 paıyzdy qurady», - deıdi óńir basshysy.