«Nurly Jol» baǵdarlamasy durys ıgerilýi tıis
Elimizde «Nurly Jol» memlekettik baǵdarlamasy júzege asyrylǵaly beri 200 myńnan astam jumys orny ashylyp, 11 385 otbasy baspanamen qamtamasyz etildi. Infraqurylymdyq nysandardy salýdaǵy taýarlardaǵy, jumystardaǵy jáne qyzmetterdegi qazaqstandyq qamtý 80 paıyzdan asatyn kórsetkishke jetti.
Ótken jyly «Nurly Jol» memlekettik baǵdarlamasyn iske asyrý úshin Ulttyq qordan 770,1 mlrd. teńge bólinip, onyń 92 paıyzy ıgerildi. Bıyl Ulttyq qordan 839,9 mlrd. teńge bólinedi. Onyń ishinde respýblıkalyq bıýdjetten nysanaly transfertter túrinde 503,4 mlrd. teńge jáne ulttyq holdıngterdiń oblıgatsııalyq qaryzdary arqyly 336,5 mlrd. teńge qarastyrylǵan.
Ulttyq ekonomıka mınıstri Qýandyq Bıshimbaev baıandaǵandaı, maýsymdaǵy jaǵdaı boıynsha atalǵan qarjynyń 99,1 mlrd. teńgesi nemese 12 paıyzy ıgerilipti. Onyń ishinde kóliktik-logıstıkalyq ınfraqurylymdy damytý baǵyty boıynsha 47,2 mlrd. teńge, respýblıkalyq mańyzy bar kólik joldaryn salý jáne qaıta jańǵyrtý úshin 35,2 mlrd. teńge jumsalǵan.
Aǵymdaǵy jyly shamamen 900 shaqyrym respýblıkalyq mańyzy bar kólik joldaryn salý jáne jańǵyrtý josparlanǵan. Onyń ishinde Almaty - Shý ýchaskesinde ekinshi temirjol qurylysyna 8 mlrd. teńge, Quryq portynda paromdyq ótkel salýǵa 4 mlrd. teńge jumsalmaq. Jylýmen, sýmen jabdyqtaý jáne sý tartý júıesin jańǵyrtýǵa bıýdjettik kredıtteý arqyly 16,6 mlrd. teńge bólý josparlanǵan.
«Jalpy, 2016-2017 jyldary ınjenerlik jelilerdiń 1 184 shaqyrymy, onyń ishinde jylýmen jabdyqtaýdyń 92 shaqyrym, sýmen jabdyqtaý júıesiniń 816 shaqyrym jáne sý tartý júıesiniń 276 shaqyrymyn salý jáne jańǵyrtý josparda bar», - dedi ulttyq ekonomıka mınıstri.
Investıtsııalar jáne damý mınıstri Áset Isekeshev kólik salasynyń jobalaryn júzege asyrýǵa, tehnıkalyq standarttardy saqtaý úshin zerthanalyq bazany qurýǵa, geologııalyq barlaý jumystarynyń barysyna toqtaldy. IDM basshysynyń málimdeýinshe, «Nurly Jol» memlekettik baǵdarlamasy sheńberinde 11 avtojol salynady. Bul rette salynǵan avtojoldar oblystardyń bip-bipimen saýda-sattyǵyn, ekonomıkalyq baılanystaryn nyǵaıtyp qana qoımaı, elimizdiń áleýmettik-ekonomıkalyq ósýine, shaǵyn jáne orta bıznestiń damýyna oń yqpal etedi. Al tasymaldardyń kólemi 2,5 ese ósedi dep kútilýde. Buǵan qosa, qalalar arasyndaǵy kólik qoljetimdiligin jaqsartý esebinen jalpy óńirlik ónimniń ortasha jyldyq ósýi 80 mlrd. teńgeni quraıdy.
Salynǵan joldardyń boıynda ulttyq standartqa sáıkes 200-den astam qyzmet kórsetý obektileri boı kóterip, qyzmet kórsetý salasynyń damýyna jáne jol ınfraqurylymyn jaqsartýǵa oń áserin tıgizbek. Jalpy, jol qurylysynda 30 kompanııa jumys atqarýda. Bıyl elimizdegi barlyq joldardyń qurylysyna, sonyń ishinde «Nurly Jol» aıasynda salynyp jatqan jobalardyń qurylysyna 100 myń adam jumysqa tartylady.
Úkimet otyrysy barysynda memlekettik baǵdarlamanyń iske asyrylýy boıynsha qarjy mınıstri Baqyt Sultanov, bilim jáne ǵylym mınıstri Erlan Saǵadıev, «Báıterek» ulttyq holdıngi basqarmasynyń basshysy Erbolat Dosaev baıandama jasady.
Úkimet basshysy el damýy úshin asa mańyzdy baǵdarlamanyń óz deńgeıinde oryndalýyn qatań baqylaıtynyn aıtyp, tıisti organdarǵa birqatar tapsyrma berdi. «Tyń baıandamalarǵa qaramastan barlyq óńirler osy baǵdarlama boıynsha qajetti resýrstardyń bárin der kezinde ıgere alady degenge kúmánim bar», - dedi Kárim Másimov. Sondyqtan Premer-mınıstr Ulttyq ekonomıka mınıstrligine «Nurly Jol» baǵdarlamasyna bólingen qarajatty óńirler arasynda qaıta úlestirýge qatysty usynystar engizýdi tapsyrdy.