«Nurly jol» baǵdarlamasy boıynsha «Astana-Almaty» baǵytynda jańa jol salynady - «QazAvtoJol» AQ

ALMATY. QazAqparat- «QazAvtoJol» Ulttyq kompanııasy» AQ basqarma tóraǵasynyń birinshi orynbasary Ulan Álipov Almatyda ótken ǵylymı-praktıkalyq konferentsııa barysynda «Nurly jol» baǵdarlamasy aıasynda júzege asyrylyp jatqan jobalar jóninde áńgimeledi.

Onyń aıtýynsha, Temirtaý, Qaraǵandy, Balqash jáne Qapshaǵaı qalalary arqyly ótetin «Astana-Almaty» baǵyty boıynsha jol salý qurylysy josparlanǵan. Onyń jalpy uzyndyǵy 1284 shaqyrymdy quraıdy jáne tórt jáne alty jolaqty bolyp keledi. Qurylysy aıaqtalǵan soń jańa jol birinshi tehnıkalyq kategorııaǵa jatqyzylatyn bolady.

«Astana-Óskemen» baǵyty boıynsha salynatyn jol Pavlodar men Semeı qalalary arqyly ótetin bolady. Búgingi tańda uzyndyǵy 500 shaqyrym bolatyn joldyń 16 ýchaskesinde jumystar júrýde. Bul Astanadan Pavlodarǵa jáne Pavlodardan Semeıge deıingi aralyq. Bıylǵy jyldyń sońyna deıin bul baǵytta 102 shaqyrym jol qoldanysqa beriledi dep kútilýde.

«Astana - Pavlodar» jáne «Pavlodar - Semeı» ýchaskelerinde jumystar 2017 jyly aıaqtalady. Sonymen qatar, ústimizdegi jyly «Pavlodar - Semeı» jáne «Qalbataý - Óskemen» ýchaskelerine qatysty jobalaý (jobalaý-smeta) qujattamasyn ázirleý josparlanǵan. Bul ýchaskeler jospar boıynsha 2019 jyly qoldanysqa beriledi.

Sonymen qatar «Astana - Aqtóbe - Atyraý - Aqtaý» baǵyttary boıynsha Astrahan qalasyna shyǵatyn jol salynady. 1928 shaqyrymdyq jol qaıta salynady. 2014 jyly Beıneý jáne Aqtaý qalalary arasynda uzyndyǵy 200 shaqyrym bolatyn jol bóligi qaıta jóndeýden ótkizildi.

Qazir, jalpy uzyndyǵy 270 shaqyrym bolatyn 6 ýchaskede jumystar júrip jatyr. Olardyń ishinde uzyndyǵy 170 shaqyrym bolatyn «Aqtaý-Shetpe» ýchaskesiniń jumysyn Halyqaralyq qarjy ınstıtýty qarjylandyrýda.

2015 jyly «Aqtaý - Beıneý» ýchaskesi boıynsha 40 shaqyrymdyq joldy qoldanysqa berý josparlanǵan. Qalǵan 230 shaqyrymdyq joldyń qurylysy 2016 aıaqtalady.

U. Álipov sonymen qatar, uzyndyǵy 853 shaqyrym bolatyn «Almaty - Óskemen» baǵyty týraly da tyń málimetter keltirdi.

«Qapshaǵaı - Taldyqorǵan» baǵyty boıynsha alty ýchaskede jumystar júrip jatyr. 2015 jyly 47 shaqyrymdyq joldy qoldanysqa berý josparlanǵan. Al qalǵan ýchaskeler 2016 jyly qoldanysqa beriledi. Almaty men Taldyqorǵan qalalaryn jalǵaıtyn jol tolyǵymen tórt jolaqty bolady.

«Budan basqa, respýblıkalyq mańyzǵa ıe joldardy aqyly etý jumystary qolǵa alyndy. 2022 jylǵa qaraı 6982 jolǵa aqyly júıe engizý josparlanǵan. Aqyly júıe birinshi tehnıkalyq kategorııaǵa jatatyn joldar boıynsha barlyq avtotransport túrlerine, al ekinshi tehnıkalyq kategorııa boıynsha tek júk kólikterine ǵana engiziledi», - dedi U. Álipov.