«Nurly jol» baǵdarlamasy boıynsha 2017 jyly SQO-da 4 úı salynady

ASTANA. QazAqparat - «Nurly jol» ınfraqurylymdyq damý memlekettik baǵdarlamasy boıynsha 2017 jyly Soltústik Qazaqstan oblysynda 4 úı turǵyzylady, dep habarlady aımaqtyq OKQ brıfıngi barysynda «Turǵynúıqurylysjınaqbank» AQ SQO fılıalynyń dırektory Raıhan Ábdirahmanova.

Bıylǵy jyl aıaǵyna deıin «Turǵynúıqurylysjınaqbank» AQ salymshylaryna Bereke shaǵynaýdany, Gastello kóshesinde ornalasqan 3 turǵyn úıdegi 220 páter paıdalanýǵa beriledi.

«Baspana Turǵynúıqurylysjınaqbank salymshylary men jergilikti atqarý organynda kezekte turǵan jandarǵa beriledi. Sonymen birge, jergilikti atqarý organynda kezekte turǵandar Jılstroısberbank salymshylary bolýy tıis, ıaǵnı olar depozıt ashyp, qarajat jınaýy tıis nemese bir ýaqytta qajetti somany salýy kerek», - dedi R.Ábdirahmanova.

Sonymen birge, ol baǵdarlamaǵa engizilgen ózgerister jáne jergilikti atqarý organdary arqyly nesıelik baspana qurylysy baǵyty boıynsha  «Nurly jol» baǵdarlamasyna qatysýshylardy  irikteý tártibin aıtyp ótti. 

Aıta keteıik, Elbasy Joldaýyn júzege asyrý maqsatynda ınfraqurylymdy damytýdyń 2015-2019 jyldarǵa arnalǵan «Nurly jol» memlekettik baǵdarlamasy jasaldy. 2016 jyldyń mamyr aıynda baǵdarlamaǵa, atap aıtqanda, baspanany júzege asyrý tártibine ózgerister engizildi. Endi turǵynúıqurylys jınaǵy arqyly keıin satyp alý quqyǵy bar jaldamaly páterler berilmeıdi.