«Nurly jol» baǵdarlamasy aıasynda 400 myńǵa jýyq adam jumyspen qamtylady

ASTANA. QazAqparat - «Nurly jol» baǵdarlamasy aıasynda 400 myńǵa jýyq adam jumyspen qamtylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý jáne áleýmettik qorǵaý mınıstri Tamara Dúısenova málim etti.

«Nurly jol» baǵdarlamasy aıasynda 400 myńǵa jýyq adamdy jumyspen qamý josparlanýda. Buǵan qosa, qazaqstandyqtar turǵyn úı salý, TKSh-ny jańǵyrtý, ındýstrııalandyrý jáne basqa salalyq ári memlekettik baǵdarlamalar esebinen jumyspen qamtylatyn bolady», - dedi ol.

Mınıstrdiń aıtýynsha, jumyspen qamtý baǵytyndaǵy belsendi sharalar jumyssyzdar men ózin-ózi jumyspen qamtyp otyrǵan azamattarǵa qoldanylady. Búginde elimizde ondaı azamattardyń qatary 1,2 mln. adamdy qurap otyr.

«Memleket basshysynyń tapsyrmasyna sáıkes barlyq óńirlerde ekonomıkanyń erekshe kezeń jaǵdaılaryn eskere otyryp, «Jumyspen qamtý - 2020» baǵdarlamasyn ózektilendirý esebinen halyqty jumyspen qamtýdyń keshendi jospary qabyldanatyn bolady», - dedi T.Dúısenova.