«Nurly jol» aıasynda 2,4 trln teńgege 11 qazirgi zamanǵy avtojoldar salynady - IDM

ASTANA. QazAqparat - «Nurly jol» aıasynda 2,4 trln teńgege 11 qazirgi zamanǵy avtojoldar salynady. Bul týraly búgin QR Investıtsııalar jáne damý mınıstrligi Kólik komıteti tóraǵasynyń orynbasary Dmıtrıı Potlov málim etti.

«Sonymen qatar baǵdarlama aıasynda 7 myń shaqyrymdyq joldy qaıta salý kózdelýde», - dep atap ótti ol Ortalyq kommýnıkatsııalar qyzmetinde ótken brıfıngte.

Onyń sózine qaraǵanda, atalmysh qurylystar 2020 jylǵa deıin sozylady. Avtomagıstraldar Astanadan ózge ońtústik, soltústik, shyǵys jáne batys aımaqtarǵa qaraı baǵyt alady.

«Bul joldar bizdiń eldiń kúretamyry, sondaı-aq «Batys Eýropa - Batys Qytaı» dáliziniń bir bólshegi bolyp tabylady. Jańǵyrtý jumystary arqyly biz kólik tasymalynyń tıimdiligin arttyra alamyz», - deıdi ol.

Sondaı-aq «Batys Eýropa - Batys Qytaı» dálizi tranzıttik júkterdi tartýǵa múmkindik bermek. Ol Qytaıdan Eýropaǵa qaraı sozylǵan eń qysqa jol bolady. «Batys Eýropa - Batys Qytaı» dálizi Sýets ótkeli arqyly ótetin teńiz jolynan 3,5 ese qysqa. Qurylys bıyl aıaqtalady dep kútilýde.