«Nurly jol»: Aqtóbede gaz taratý stantsııasynyń qýaty úsh esege artty
Aqtóbe aglomıratsııasyn damytý úshin gaz taratý beketteriniń qýattylyǵyn arttyrý jumystary júrip jatyr. Aqtóbe oblysynyń ákimdigi, «QazMunaıGaz» UK» AQ jáne «QazTransGaz» AQ arasyndaǵy úshjaqty memorandým aıasynda avtomatty gaz taratý stantsııasynyń qýattylyǵy úsh ese artty. Bul Alǵa aýdanyn túgel gazben qamtýǵa jáne gaz taratýǵa arnalǵan joba. Tabıǵı gaz Jańajol gaz óńdeý zaýyty men «Bozoı» gaz qurǵatý stantsııasyna jetkiziledi.
«Alǵa gaz taratý stantsııasynyń qýattylyǵy saǵatyna 30 myń tekshe metr. Bul tutynýshylardy úzdiksiz qamtamasyz etýge arnalǵan joba. Aldaǵy ýaqytta Alǵa aýdanynda ındýstrııaldy aımaq salynyp, óndiriske qajetti gazdy biz jetkizip beremiz. Qurylys ótken jyly bastalǵan bolatyn. Bıyl iske qosylyp, eki magıstraldi qubyrdan gaz jetip jatyr»,- dedi «QazTransGazAımaq» AQ Aqtóbe oblystyq fılıal dırektory Bahtııar Іzbasarov.
2015-2020 jyldarǵa arnalǵan joba boıynsha úsh gaz tartý stantsııasy jańartylyp, 6 myńǵa jýyq turǵyn úıge gaz qubyry tartyldy. Barlyǵy 616 myń shaqyrymnan astam qubyr júrgizilip, aýyl turǵyndary ǵana emes, iri óndiris oryndaryna arzan ári sapaly kógildir otyn jetkizilgen.
«Elbasy eldi mekenderdi gazben qamtamasyz etý jumystaryn jandandyryp, arttyrýdy tapsyrdy. 2015 jyly ákimdik pen gaz taratýshylar kelisimge qol qoıyp, memorandým negizinde kompanııa 20 mıllıardqa jýyq qarjy bóldi. Barlyǵy 10 eldi mekenge gaz kirgizip, úsh taratý stantsııasy salyndy. Ótken jyly Aqtóbe oblysyndaǵy aýdan ortalyqtaryna túgel gaz bardy. Buryn halyqtyń 60 paıyzy gaz tutynsa, qazir 87 paıyzǵa jetti. Respýblıkadaǵy eń joǵary kórsetkishke qol jetkizip otyrmyz. Jumys ári qaraı jalǵasady»,- dedi Aqtóbe oblysynyń ákimi Berdibek Saparbaev.
Óńir basshysy aýdanǵa sapary kezinde jumysshylarmen áńgimelesip, olardyń jalaqysyn surady. Keıin basshylarǵa jumysshylardy yntalandyryp, merekege oraı syıaqy berýdi tapsyrdy.