Nurly jer: Túrkistan oblysynda 231 myń sharshy metr turǵyn úı salynýda
«Túrkistan oblysynda bıyl «Nurly jer» memlekettik turǵyn úı qurylysy baǵdarlamasy boıynsha 231 myń sharshy metrdi quraıtyn 3 413 páterli 64 turǵyn úıdiń qurylysy júrgizilýde. Nátıjesinde, bıyl jyl sońyna deıin 177,6 myń sharshy metrlik 2 613 páterli 50 turǵyn úıdi paıdalanýǵa tapsyrý josparlanýda. Biz birinshi kezekte halyqtyń az qamtylǵan bóligin baspanamen qamtamasyz etýdi jyldamdatýymyz kerek», - dedi oblys ákimi Ómirzaq Shókeev QR Prezıdenti Joldaýyn iske asyrýǵa arnalǵan oblys aktıviniń jıynynda.
Bıyl Túrkistan oblysy úshin turǵyn úıdi paıdalanýǵa tapsyrý jospary 550,6 myń sharshy metr, al qurylys jumystarynyń naqty kólem ındeksi 102% bolyp belgilendi.
2019 jyly qańtar-shilde aıynyń qorytyndysy boıynsha Túrkistan oblysynda barlyǵy 2 950 páter tapsyryldy, onyń ishinde: 136 páter -qyzmettik turǵyn úı (7,7 myń sh. m.); 840 páter - arendalyq turǵyn úı RB (56,5 myń sh.m.); 41 páter - arendalyq turǵyn úı JB (3,5 myń sh.m.); 1933 páter - jeke turǵyn úı qurylysy (268,7 myń sh. m.).