«Nurly jer»: Tarazda kópqabatty turǵyn úı paıdalanýǵa berildi

TARAZ. QazAqparat - Taraz qalasynyń «Báıterek» móltek aýdanynda 60 páterli arendalyq-kommýnaldyq úı paıdalanýǵa berildi. Páter kiltine ıe bolǵandar negizinen baspana kezeginde turǵan áleýmettik osal top ókilderi, dep habarlaıdy QazAqparat tilshisi.

Turǵyn úı 2018 jyly «Nurly jer» baǵdarlamasy aıasynda salynǵan. Nysanda úsh bólmeli - 30, eki bólmeli - 15, bir bólmeli - 15 páter bar. Ondaǵy úsh bólmeli páterdiń aýdany - 71, eki bólmeli - 58, bir bólmeli 40 sharshy metrdi quraıdy.

Baspanalardyń 12-si - jetim balalarǵa, 31 - kópbalaly, tolyq emes jáne múmkindigi shekteýli balalardy ósirip otyrǵan otbasylarǵa, 17 memlekettik jáne bıýdjettik uıym qyzmetkerlerine berildi.

Aıta keteıik, atalmysh kópqabatty turǵyn úı áleýmettik jaǵynan qorǵalatyn toptardyń azamattaryna jekeshelendirý quqyǵynsyz beriledi. Aı saıynǵy arendalyq tólem - 5500-6000 teńgeni quraıdy.