Nurly jer: Oralda kópqabatty turǵyn úı paıdalanýǵa berildi
Páter ıelerin quttyqtaǵan Batys Qazaqstan oblysynyń ákimi Ǵalı Esqalıev atap ótkendeı, «Nurly jer» baǵdarlamasy Elbasy Nursultan Nazarbaevtyń tapsyrmasyna sáıkes qolǵa alyndy.
Qazaqstan Prezıdenti Qasym-Jomart Toqaev qazaqstandyqtardyń turǵyn úı jaǵdaıyn jaqsartý baǵytynda jumysty jalǵastyrý qajettigine erekshe mán berip keledi. Osyǵan oraı kóptegen batysqazaqstandyq sapaly da qoljetimdi turǵyn úıge qol jetkizýde.
Jańadan berilgen úı «Turǵyn úı qurylys jınaq banki» salymshylary men baspana kezeginde turǵandarǵa arnalǵan.
«Bank salymshylaryna 25 jylǵa deıin jeńildikpen nesıe beriledi. Bul úılerdi salý úshin jer telimderi memleket tarapynan tegin usynyldy. Ár sharshy metrdiń ózindik quny 140 myńdaı teńge bolsa, sonyń 50 myńy bıýdjet esebinen óteledi. Bul baǵdarlama turǵyndar úshin óte mańyzdy», - dedi oblys ákimi.
Aıta keteıik, óńirde túrli sanattar boıynsha 19617 adam kezekte tur.
Sońǵy úsh jylda «Nurly jer» baǵdarlamasy aıasynda 24 úı (228,64 myń sharshy metr 3658 páter) iske qosyldy.
«Budan tórt jyl buryn bankten esepshot ashyp, qarjy jınaqtaı bastadyq. Osy kezge deıin páter jaldap keldik. Endi, mine, Ata zań meıramy qarsańynda eki bólmeli páterge qol jetkizip, qýanyp jatyrmyz», - dedi páter kiltin alǵandardyń biri Albert Tóleshqalıev.