ORAL. QazAqparat - Búgin Oralda qos birdeı kóp qabatty turǵyn úı paıdalanýǵa berildi, dep habarlaıdy «QazAqparat» tilshisi.
Jańa úılerge qonystanýshylardy oblys ákimi Altaı Kólginov quttyqtap, Elbasy tapsyrmasyna sáıkes «Nurly jer» baǵdarlamasy aıasynda óńirde turǵyn úı qurylysy erekshe qarqyn alǵanyn jetkizdi. Sonyń ishinde sońǵy jyldary qalaǵa qarasty Zachagan kentinde Oral-Atyraý jáne Oral-Saratov kúre joldary aralyǵynda turǵyn úıge qosa mektep, balabaqsha, emhana, sport kesheni bar tutas qalashyq boı kóterdi deýge bolady.
Jańadan salynǵan qos úıdegi páterler kezekte turǵandar men «Turǵyn úı qurylys jınaq banki» salymshylaryna berildi. Onyń biri - 180 páterlik 9 qabatty turǵyn úı qurylysyna 1,3 mlrd teńge jumsaldy. Ekinshisi - 96 páterlik 9 qabatty turǵyn úıdi salý úshin 830,8 mln teńge bólingen bolatyn. Sonda búgin Oralda 276 otbasy baspanaly bolyp otyr.
«Nurly jer» baǵdarlamasyna sáıkes oblys ortalyǵy men aýdandarda turǵyn úılerdi paıdalanýǵa berý budan keıin de jalǵasyn tabatyn bolady.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).