«Nurly jer»: Mańǵystaý oblysynda kópbalaly analarǵa 153 páter beriledi

MAŃǴYSTAÝ OBLYSY. QazAqparat – Mańǵystaý oblysynda «Nurly jer» memlekettik baǵdarlamasy aıasynda osy jyldyń aıaǵyna deıin kópbalaly analarǵa 153 páter (jalpy aýdany 8 400 sharshy metrden kem emes) beriledi. Bul úshin 1,3 mıllıard teńge kóleminde qarjy qarastyrylǵan, dep habarlaıdy QazAqparat.

Páterlerdi tapsyrý QR Táýelsizdiginiń 30 jyldyǵyna oraı 16 jeltoqsanǵa josparlanǵan.

Qazirgi kezde bul baǵdarlamany oblystyń kópbalaly analary qoldanýda. Olardyń biri – osy baǵdarlamanyń arqasynda páter alǵan Qaraqııa aýdany Jetibaı aýylynyń turǵyny Zaǵıpa Eltejıeva.

Bes balasy bar Jetibaı aýylynyń turǵyny 2007 jyldan bastap páter jaldap turǵan. Kópbalaly ana retinde kezekke 2019 jyly turǵan. Qazirgi kezde mektepte eden jýýshy bolyp jumys isteıdi. Keıipkerdiń aıtýynsha, aılyǵy az, al otaǵasy turaqty jumysqa jaqynda ǵana ornalasqan.

«Meniń jalaqym tómen. Úı satyp alatyn múmkindigim bolmady. Balalarmen birge páter jaldap turdyq. Jańa úıimizdi «Nurly jer» baǵdarlamasy arqyly aldyq. Úıli bolǵanymyzǵa baqyttymyn. Men sııaqty kópbalaly analarǵa ári qaraı da kómek kórsetiledi dep úmittenemin», - dedi Zaǵıpa Eltejıeva.

Osy jylda Aqtaýda – 54, Mańǵystaý aýdanynda – 24, Qaraqııada – 30, Túpqaraǵanda – 15, Muńaıly aýdanynda 30 páter berý josparlanyp otyr.

Sonymen qatar kelesi jyly 472 kópbalaly anaǵa úı berý josparda bar.

2019 jyly «Nurly jer» baǵdarlamasynyń júzege asyrylýy barysynda óńirde úıli bolǵandar sany artty. Bıyl olar el táýelsizdiginiń 30 jyldyǵyna oraı jańa páterdiń kiltin almaq.

Avtory: Aıda Abýlhanova