«Nurly jer»: Qostanaıda turmysy tómen otbasylar baspanaly bolady

QOSTANAI. QazAqparat - «Nur Otan» partııasy oblystyq fılıalynyń depýtattary «Nurly jol» jáne «Nurly jer» memlekettik baǵdarlamalarynyń sheńberinde oryndalyp jatqan turǵyn úı qurylysy josparymen tanysty, dep habarlaıdy QazAqparat tilshisi.

Basty jańalyq - Rýdnyı qalasy men Zarechnyı kentinde turmysy tómen otbasylar satyp alý quqyǵynsyz jalǵa beriletin turǵyn úılermen qamtylmaq. 2018 jyly osyndaı sharalar oblys ortalyǵynda jalǵasady.

«Jyl saıyn baspana turǵyzý kólemi artyp keledi. Qostanaı oblysynda 432 páterli 7 baspana boı kóterdi. Bulardyń altaýy «Turǵyn úı qurylys jınaq banki» salymshylaryna tıesili. Aǵymdaǵy jyly birinshi ret áleýmettik álsiz top qataryndaǵylarǵa baspana satyp alý quqyǵynsyz jalǵa beriledi», - dedi Qostanaı qalasy ákiminiń orynbasary Oljas Nurǵalıev.

 

Halyq qalaýlylary turǵyn úı túıitkilin sheship úlgergen turǵyndar tizimi az emes ekenin aıtty. Olardyń kóbi - jastar. Jaýapty sala ókilderiniń sózine súıensek, ázirshe óńirde jastarǵa arnalǵan jeke baǵdarlama joq.

Budan bólek, bıyl Qostanaı aýdanynda taǵy bir tyń joba júzege asýda. Ol - «Nurly jer» baǵdarlamasy boıynsha salynyp jatqan jeke úı qurylysy. Onyń basty ereksheligi - qurylysshylar baspanany óz aqshalaryna turǵyzady. Al ol úılerdi jer kezeginde turǵandar satyp alady. Dál osyndaı tásilmen bıyl 14 otbasy qonys toılaryn toılady. Jyldyń sońyna deıin 68 otbasyǵa baspana kilti tabystalady.