«Nurly jer»: Kópbalaly otbasylarǵa kólemdi páter berilýi múmkin

ASTANA. QazAqparat - «Nurly jer» baǵdarlamasy aıasynda kópbalaly otbasylarǵa 80 sharshy metrden de keń kólemdi páter berilýi múmkin. Bul týraly búgin Májilistegi «Nurly jer» turǵyn úı qurylysy baǵdarlamasyn iske asyrý barysy» taqyrybynda ótip jatqan dóńgelek ústel barysynda QR Investıtsııalar jáne damý vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.

Dóńgelek ústel barysynda depýtat Ýálıhan Qaınazarov «Nurly jer» baǵdarlamasy aıasynda salynatyn turǵyn úıdiń sharshy metri 80-nen aspaýy qajet degen talap bar ekendigin eske saldy.

«80 sharshy metr 2 ary ketkende 3 bólmeli páter. Bul 1 nemese 2 balasy bar otbasyǵa jaraıdy. Al 4-5 balasy bar otbasylarǵa ne isteımiz? Sondyqtan 80 sharshy metrmen shektelmeı máselen 110 sharshy metrge ulǵaıtý qajet shyǵar. Bul máseleni qazir sheshpesek aldymyzdan shyǵa beredi», - dedi Ýálıhan Qaınazarov.

Óz kezeginde, vıtse-mınıstr kópbalaly otbasylar úshin sharshy metr qaıta qarastyrylatyndyǵyn aıtty.

«Jalpy, bul atalǵan qarjyǵa naqty qansha páter salatyndyǵymyzdy aıqyndaý úshin osyndaı shekteý engizgen edik. Biz kópbalaly otbasylarǵa múmkinshilik bergenimiz durys shyǵar», -dedi Qaıyrybek Óskenbaev.