«Nurly jer»: Qaraǵandyda baspana alýǵa qujattardy qabyldaý bastaldy
«Qaraǵandy qalasynyń ákimdigi «Qazaqstannyń Ipotekalyq Kompanııasy» IU» AQ (QIK) jelisi boıynsha «Nurly jer» turǵyn úı qurylysy baǵdarlamasyna qatysýǵa qujattardy qabyldaýdy bastaǵany týraly habarlaıdy», - delingen oblys ákimdiginiń resmı saıtynda.
Atap ótilgendeı, baǵdarlama aıasynda Qaraǵandy qalasy, 15-yqshamaýdany, 20/3 úı mekenjaıynda ornalasqan jalpy aýdany 8 016 sharshy metrdi quraıtyn 130 páter satylady. Turǵyn úıdiń quny 1 sharshy metr úshin 735 teńgeni quraıdy, sonyń ishinde:
1) bir bólmeli: 22 páter (aýdany 39,74 sh.m. bastap 48,77 sh.m. deıin)
2) eki bólmeli: 78 páter (aýdany 48,09 sh.m. bastap 68,60 sh.m. deıin)
3) úsh bólmeli: 26 páter (aýdany 66,12 sh.m. bastap 91,90 sh.m. deıin)
4) tórt bólmeli): 4 páter (aýdany 76,62 sh.m.)
QIK jelisi boıynsha «Nurly jer» turǵyn úı qurylysy baǵdarlamasyna kelesi sanattaǵy azamattar qatysa alady: múgedek balalary bar nemese olardy tárbıeleýshi otbasylar; kámeletke tolǵanǵa deıin ata-analarynan aıyrylǵan jıyrma toǵyz jasqa tolmaǵan jetim balalar men ata-anasynyń qamqorlyǵynsyz qalǵan balalar; oralmandar; 1 jáne 2-top múgedekteri; kóp balaly otbasylar; tolyq emes otbasylar; memlekettik qyzmetshiler, bıýdjettik uıymdardyń qyzmetkerleri.
Baǵdarlama qatysýshylaryna qoıylatyn negizgi talaptar:
1) turǵyn úı alýǵa muqtajdardyń esebinde turǵanyn kýálandyrý;
2) turǵyn úıdi satý sharttary boıynsha tólem mindetterin oryndaý múmkindigin tıisti kiristermen rastaý.
Qujattar 19 jáne 20 shilde kúnderi 09:00-18.00 aralyǵynda (úzilis 13.00-14.00) Qaraǵandy qalasy, Beıbitshilik býlvary, 39 (qalalyq ákimdiktiń ǵımaraty) mekenjaıy boıynsha qabyldanady.