«Nurly jer»: BQO-da myńǵa jýyq páter paıdalanýǵa berildi
Óńirlik kommýnıkatsııalar qyzmetinde «Qazaqstannyń turǵyn úı qurylys jınaq banki» AQ («Báıterek» holdınginiń enshiles uıymy) BQO fılıalynyń dırektory Aıgúl Naýryzálıevanyń málim etkenindeı, sonyń ishinde jergilikti atqarýshy organdar júıesi boıynsha 481 páterlik 4 nesıelik jáne «Báıterek Development» AQ boıynsha 504 páterlik 3 úı salyndy.
Bıyl oblysta 55 myń salymshy memleket syıaqysyn almaqshy. Sonyń 18722-si kelisimshartqa 2017 jyly otyrǵan.
Óńird bıyl 12,5 mlrd teńge zaıymdyq qarjy alǵan 2505 azamat turmystyq jaǵdaılaryn jaqsartty.
Bank «Nurly jer» baǵdarlamasyn júzege asyrýdy jańa jylda da jalǵastyrady. Jeke qurylys júrgizýshilerdi yntalandyrý arqyly aldaǵy jyly 173 turǵyn baspanaǵa qol jetkizbek. «Qazaqstannyń turǵyn úı qurylys jınaq banki» AQ men «Qaz-Hol» JShS jáne «Karavannyı pýt» JShS arasynda qol qoıylǵan kelisimderge sáıkes Oral qalasyndaǵy Qurmanǵazy kóshesi, 198-mekenjaıynda 9 qabatty jáne Gagarın kóshesi, 2-mekenjaıy boıynsha 126 páterlik úıdiń qurylysy júrýde. Bul úılerdi 2018 jyldyń tamyzynda paıdalanýǵa berý kózdelýde.
Sol sekildi jeke turǵyn úı qurylysyn damytý baǵytynda oblys ortalyǵyna jaqyn ornalasqan Terekti aýdany Toqpaı, Fedorov, Zelenov aýdany Peremetnyı jáne Darııan aýyldarynda úıler bir sáýlettik nusqada salynbaqshy.
Banktiń «Óz úıim» atty óz baǵdarlamasy da aımaqta sátti júrip jatyr. Atalǵan jobanyń aıasynda 2018 jyly BQO ІІD qyzmetkerleri baspanaly bolady. Oǵan qosa Oraldyń Soltústik-shyǵys bóliginde «Batys Qazaqstan elektr jelilerin taratý kompanııasy» AQ men «Jaıyqjylýqýat» AQ qyzmetkerleri úshin 9 qabatty turǵyn úı salý josparlanýda. Bul uıymdarda isteıtin qyzmetkerlerdiń jalpy sany 800-den asady. Olardyń kópshiligi - baspanaly bolamyn dep aqsha jınap jatqan bank salymshylary.
«Qazaqstannyń turǵyn úı qurylys jınaq banki» AQ jańa jyldan bastap áskerı qyzmetkerlerge arnalǵan jobany júzege asyrmaqshy. Buǵan deıin «Turǵyn úı qatynastary týraly» QR zańyna sáıkes turǵyn úıdi qajet etetin áskerı qyzmetkerler (merzimdi qyzmettegi áskerı qyzmetkerlerdi, kýrsanttar men kadetterdi qospaǵanda) jáne arnaıy memlekettik organ qyzmetkerleri turǵyn úı jaldaǵandary úshin maqsatty ótemaqy alatyn edi. Kelesi jyldan bastap áskerı qyzmetkerler dál osy turǵyn úı tólemderin paıdalana otyryp, Turǵyn úı qurylys jınaq júıesine qatysý arqyly baspanaly bola alady. Jańa úlgi qaı jaǵynan alsa da, óte tıimdi.
Brıfıngke qatysqan oblystyq qurylys basqarmasy basshysynyń orynbasary Álibek Antazıevtiń aıtýynsha, «Nurly jer» baǵdarlamasy aıasynda turǵyn úı qurylysy qarqyndy júrgizilýde. Kúni búgin oblysta 18 kóp páterli jáne 188 bir qabatty turǵyn úıler salynýda. Bul maqsatqa qarjylandyrýdyń barlyq kózderinen 15 mlrd teńge bólingen. Jyl aıaǵyna deıin 10 kóp páterli turǵyn úıdi iske qosý josparlanýda (9 úı Oralda, bireýi Aqsaı qalasynda). Sondaı-aq aýyldyq jerde 113 bir qabatty úı ıelerine tapsyrylady.
«Nurly jer» baǵdarlamasy boıynsha turǵyn úı salý jospary 278,1 myń sharty metr bolsa, bul meje qazirdiń ózinde 300 myń sharshy metrden asyp, 36 paıyzǵa artyq oryndalyp otyr. 2018 jyly «Qazaqstannyń turǵyn úı qurylys jınaq banki» salymshylaryna arnalǵan 14 úıdiń qurylysy bastalady», - dedi Á.Antazıev.