Nurly jer: BQO-da 1700-den astam páter salynýda
BQO ákimdiginen túsken málimetke qaraǵanda, sonyń 10-y kóp qabatty, 183-i - bir qabatty úıler. Mysaly, 250 baspana Oral qalasynan 500 shaqyrym qashyqtyqtaǵy alys aýdandarda salynýda. Turǵyn úı qurylysy úshin 120 shaqyrymnan astam ınjenerlik-kommýnıkatsııalyq ınfraqurylym tartylýda.
Qazirdiń ózinde 300 myń sharshy metr turǵyn úı iske qosyldy, bul ótken jylǵydan 80 paıyzǵa kóp. Sondaı-aq jeke qurylystyń arqasynda ınvestıtsııa kólemi eki esege ósti.
Barlyq qurylys jumystary gazdandyrý jáne sýmen qamtýmen qosa júrgizilýde. Bıyl bes aýdanda 35 eldi meken, sonyń ishinde 106 áleýmettik nysan gazǵa, 65 myń turǵyny bar 55 aýyl ortalyqtandyrylǵan sý kózine qosylmaqshy. Sonda taza aýyz sý barlyǵy 186 aýylǵa jetedi.
Sondaı-aq «Nurly jol» baǵdarlamasy aıasynda Oral qalasynda 2400 oryndyq 4 mektep salynyp jatsa, sonyń ekeýi merziminen buryn paıdalanýǵa berilmekshi.
Aıta keteıik, Elbasy tapsyrmasyna sáıkes qolǵa alynǵan «Nurly jol» jáne «Nurly jer» baǵdarlamasy aıasynda bıyl oblysqa 30 mlrd teńge bólinip, 1700-den astam jańa jumys orny ashyldy.