«Nurly jer»: Baıqońyrda 50 páterli 5 turǵyn úıdiń qurylysy júrgizilýde

BAIQOŃYR. QazAqparat - Baıqońyr qalasynda qazaqstandyq azamattar úshin 50 páterli 5 turǵyn úıdiń qurylysy júrgizilýde, dep habarlaıdy QazAqpara tilshisi.

Bul qurylys «Nurly jer» baǵdarlamasy sheńberinde qolǵa alynǵan. Olardyń jalpy aýdany - 15 372,6 sharshy metr.

Aıta ketsek, Baıqońyrda 2019 jyly atalǵan baǵdarlama aıasynda 50 páterli 5 turǵyn úıler paıdalanýǵa berilgen.

Sondaı-aq, aldaǵy ýaqytta jeke ınvestorlar arqyly balabaqshalar salý máselesin qaralýda. Bul onda oryn jetispeýshiligin boldyrmaýǵa jol ashady. Oblys basshylyǵy tarapynan oǵan yntaly kásipkerlerdi qoldaý máselesi qarastyrylýda.

Aldaǵy ýaqytta Baıqońyr qalasyndaǵy jylý-elektr stantsııasy gazǵa qosylady. Buǵan baılanysty qala ákimshiligi qajettilikti eskere otyryp tıisti sharalardy qabyldady.

Qazir Baıqońyrda 75 myńnan astam adam turady. Onyń 66 protsentten astamy — qazaqstandyqtar.