«Nurly jer»: Batys Qazaqstanda 6 kópqabatty úı paıdalanýǵa berilmek
«Qazaqstannyń turǵyn úı qurylys jınaq banki» AQ BQO fılıalynyń dırektory Aıda Ipatovanyń óńirlik kommýnıkatsııalar qyzmeti alańynda ótken brıfıngte málim etkenindeı, sonyń ishinde 887 páter bank salymshylarynyń enshisine tımek.
Memleket basshysy bıylǵy Joldaýynda halyqty qoljetimdi baspanamen qamtamasyz etýdiń mańyzdylyǵyn atap kórsetken bolatyn. Osyǵan oraı turǵyn úı qurylys jınaq júıesi boıynsha da tıisti jumystar atqarylýda.
Batys Qazaqstan oblystyq fılıalynda 84 myńnan astam
salymshy aldaǵy ýaqytta eldegi eń tómengi stavkalarmen – jyldyq mólsherlemesi 2-den 5 paıyzǵa deıin nesıe alý úshin Turǵyn úı qurylys jınaq banki esepshottarynda aqsha jınaýda. Qazirgi tańda qarjy kólemi 33 mln teńgeden asady.
A.Ipatovanyń sózine qaraǵanda, «Nurly jer» baǵdarlamasy boıynsha iske qosylatyn úılerdiń úsheýi Zachagan kentinde, ekeýi shahardyń soltústik-shyǵys bóliginde, bireýi Aqsaı qalasynda boı kóterýde.
Ár sharshy metrdiń satý baǵasy 140 myń teńgeni quraıdy.
Bastapqy konkýrs jergilikti atqarýshy organda úı kezeginde turǵan azamattar úshin, qosymsha konkýrs banktiń barlyq salymshylary úshin bolady. 15 qyrkúıek pen 14 qazan
aralyǵynda 180 páterlik bir úıge konkýrs ótkizildi, kúni búginge deıin 884 adam oǵan qatysýǵa ótinish bildirdi. 13 qazan men 3 qarasha aralyǵynda Zachagandaǵy taǵy eki úıge (297 páter) daýys berý júrgizilýde.
«Bıyl «Shańyraq» (5-10-20) baǵdarlamasy da iske qosyldy.
Bul baǵdarlamaǵa 1986-2017 jyldar aralyǵynda kezekte turǵan adamdar qatysa alady. Qatysý úshin JSSB24 veb-saıtyna ótinish jiberý kerek. Atalmysh baǵdarlama boıynsha
turǵyn úıdi bastapqy naryqtan klıenttiń tańdaýy boıynsha rásimdeıdi. BQO boıynsha nesıeniń eń joǵary somasy – 12 mln teńge», dedi A.Ipatova.