«Nurly jer» baǵdarlamasyna 200 mlrd teńgeden astam qarjy bólinedi
«2018 jyly ekonomıkanyń naqty sektoryn damytýǵa 1,4 trln teńge kózdelgen. Aǵymdaǵy jylmen salystyrǵanda shyǵystar kóleminiń azaıýy eki negizgi faktorǵa baılanysty boldy.
Birinshiden, baǵdarlamalardy qarjylandyrý kózderiniń Ulttyq qordan beriletin nysanaly transfertten munaılyq emes kiristerge ózgertildi, ıaǵnı kelesi jyldary Respýblıkalyq bıýdjettiń kózderinen qarjylandyrylatyn bolady. Ekinshiden, kvazımemlekettik sektor sýbektileriniń aǵymdaǵy jáne kelesi jyldyń bıýdjet qarajatyn ıgerý boljamdary esepke alyndy», - dedi ol.
Mınıstrdiń dereginshe, «Nurly Jol» baǵdarlamasyn iske asyrýdy jalǵastyrýǵa 512,6 mlrd teńge, odan 2018 jylǵa 243,3 mlrd teńge somasynda shyǵystar kózdeldi. Al «Nurly Jer» turǵyn úı qurylysy baǵdarlamasyna 208,8 mlrd teńge, odan 2018 jylǵa 125,2 mlrd teńge baǵyttaý usynylyp otyr.
«Agroónerkásip keshenin damytý baǵdarlamasy boıynsha 2018 jylǵa 195 mlrd teńge kózdeldi. Bul shyǵystar qarjy qyzmetteriniń (sýbsıdııalardyń) qol jetimdiligin arttyrý jónindegi is-sharalarǵa, sý sharýashylyǵyn jáne veterınarııany damytýǵa, fıtosanıtarııalyq qaýipsizdikti qamtamasyz etýge baǵyttalatyn bolady. Indýstrııalyq-ınnovatsııalyq damý memlekettik baǵdarlamasynyń ekinshi kezeńin iske asyrýǵa jalpy somasy 232,9 mlrd teńge, onyń ishinde 2018 jylǵa 76,1 mlrd teńge kózdelgen», - dedi B.Sultanov.
Onyń aıtýynsha, 2018 jyly kólik ınfraqurylymyn damytýǵa 292,6 mlrd teńge jumsalatyn bolady. Memlekettiń qorǵanys qabileti men qaýipsizdigin, quqyq tártibiniń saqtalýyn qamtamasyz etýge jáne ishki turaqtylyqty qoldaýǵa 2018 jyly shyǵystar
1 088,9 mlrd teńgeni quraıdy.
«Respýblıkalyq bıýdjet tapshylyǵy jalpy ishki ónimge qaraǵanda 2018 jylǵy 1,1 paıyzdan 2019-2020 jyldary 1 paıyzǵa tómendeıtin bolady. Bul memlekettik borysh kólemin shekti deńgeıde saqtaýǵa múmkindik beredi», - dedi ol.