«Nurly jer» baǵdarlamasy aıasynda 89 myń otbasy baspanaly boldy

NUR-SULTAN. QazAqparat - «Nurly jer» baǵdarlamasy aıasynda 89 myń otbasy baspanaly boldy. Bul týraly QR IIDM Qurylys jáne turǵyn úı kommýnaldyq sharýashylyq ister komıtetiniń tóraǵasy Marhabat Jaıymbetov aıtty, dep habarlaıdy QazAqparat tilshisi.

«Nurly jer» baǵdarlamasy 2017 jyldan bastap iske asyrylyp keledi. Baǵdarlama iske asyrylǵan 3 jyldyń ishinde 36,8 mln sharshy metr turǵyn úı jáne 330 myń baspana salyndy. Shamamen 89 myń otbasy memlekettik qoldaý sharalarymen qamtyldy. Olarǵa qoljetimdi turǵyn úı jáne jeńildikti qaryz berildi«, - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, osy jyldardyń ishinde turǵyn úı qurylysyna 3,6 trln teńgeden astam qarajat ınvestıtsııalandy.

»Shamamen 919 mlrd teńge memlekettik ınvestıtsııa «Nurly jer» baǵdarlamasyn iske asyrýǵa jumsaldy. Salynǵan memlekettik ınvestıtsııanyń 1 teńgesine 6 teńge jeke ınvestıtsııa salynady. Bul baǵdarlamanyń tıimdiligin bildiredi«, - dedi Marhabat Jaıymbetov.