«Nurly jer» aıasynda baspana turǵyzǵan jumys berýshiniń shyǵyny sýbsıdııalanady

NUR-SULTAN. QazAqparat – «Nurly jer» baǵdarlamasy aıasynda óz qarajatyna tıptik jobamen baspana turǵyzatyn aýyldardaǵy jumys berýshiniń shyǵyndary sýbsıdııalanady. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Elimizde 6,3 myń aýyl bolsa, sonyń 3,5 myńy - bolashaǵy jarqyn aýyl sanalady. «Nurly jer» baǵdarlamasy aıasynda óz qarajatyna tıptik jobamen baspana turǵyzatyn aýyldardaǵy jumys berýshiniń shyǵyndaryn sýbsıdııalaý tetigin ázirleýdi usynamyz. Mınıstrlik úıdiń belgilengen qunynyń bir bóligin sýbsıdııalaý tetigin ázirleıdi», - dedi Beıbit Atamqulov.

Onyń atap ótýinshe, turǵyn úı-kommýnaldyq sharýashylyq máseleleri boıynsha qabyldanǵan zań aıasynda múlik ıeleriniń birlestigi ınstıtýty engiziledi. Barlyq qajetti normatıvtik-quqyqtyq aktiler qabyldanǵan.

«Qazirgi ýaqytta bizdiń mınıstrlik turǵyn úı ıeleri, múlik ıeleriniń birlestikterin qurý jáne tirkeý boıynsha tıisti jumystardy jasap jatyr», - dedi mınıstr.