Nurly jer: Atyraýda 300 otbasy baspanaly boldy

ASTANA. QazAqparat - Búgin Atyraýda Bereke yqsham aýdanyndaǵy 300 páterli 6 turǵyn úı paıdalanýǵa berildi, dep habarlaıdy Atyraý oblystyq óńirlik kommýnıkatsııalar qyzmeti.

Turǵyn úı - kommýnaldyq sharýashylyǵy,jolaýshylar tasymaly jáne avtokólik joldary bólimi bergen aqpar boıynsha, kezekte turǵandar úshin 105 páterli 2 turǵyn úı paıdalanýǵa berildi. Taǵy 195 páterli 4 turǵyn úı «Jılstroısberbank» AQ arqyly berildi.

Jaqyn arada «Nurly jer» baǵdarlamasy boıynsha taǵy 195 otbasyǵa jańa páter berý josparlanyp otyr. Qazirgi tańda aamattardyń tólem qabilettiligi boıynsha tizim jasaqtalýda. Bıylǵy jyldyń sońyna deıin osy yqsham aýdanda taǵy 9 úıdi paıdalanýǵa berý josparda bar», - deıdi turǵyn úı - kommýnaldyq sharýashylyǵy,jolaýshylar tasymaly jáne avtokólik joldary bóliminiń basshysy Rafhat Joldıev.

«Men «az qamtylǵan otbasy» boıynsha kezekte turmyn. Biraz ýaqyt otbasymmen eski páterde turdyq, keıin birneshe jyl páter jaldaýǵa týra keldi, búgin bizge óz úıimizdiń kiltin tabystady»,-deıdi Atyraý qalasynyń turǵyny Salaýat Mútálıev.
Atyraý qalalyq ákimdigi bergen aqparat boıynsha, qazirgi tańda 20 myńǵa jýyq asa adam úı kezeginde tur, turǵyn úı máselesi kezeń-kezeńimen sheshimin tabatyn bolady.

«Qazirgi ýaqytta «Nursaıa» yqsham aýdanynda 105 páterli 2 kópqabatty turǵyn úı paıdalanýǵa berýge daıyn. Bul kópqabatty turǵyn úıler TQJB salymshylaryna beriledi,-deıdi turǵyn úı» - kommýnaldyq sharýashylyǵy,jolaýshylar tasymaly jáne avtokólik joldary bóliminiń basshysy Rafhat Joldıev.

Aıta keteıik, jaqyn arada Bereke yqsham aýdany keńeıtiledi. Bolashaqta bul jerde 40 kóp qabatty turǵyn úı bolady dep josparlanǵan. Bıylǵy jyly Berekede 1200 oryndyq mektep pen 290 oryndyq 2 balabaqshanyń qurylysy bastalady.