Nurly jer: Altaı Kólginov áleýmettik páter kiltterin tabystady
Elorda ákimdigi baspasóz qyzmetiniń taratqan aqparatyna sáıkes, j ańa turǵyn úı kesheninde 250 páter bar. Olar turǵyn úı qurylys jınaq banki salymshylary men kezekte turǵandar (halyqtyń áleýmettik osal toptary) arasynda bólinedi .
«Búgin barlyǵymyz úshin mańyzdy kún. Ata Zańymyzdyń 25 jyldyǵy - Konstıtýtsııa kúni qarsańynda óz páterlerińizdiń kiltin alyp jatyrsyzdar. Qurylys salasynda qoljetimdi turǵyn úı salý óte mańyzdy. Elbasy qabyldaǵan «Nurly jer» memlekettik baǵdarlamasyna sáıkes jyl saıyn myńdaǵan otbasy kópten kútken baspanalaryn alady.
Memleket basshysynyń tapsyrmasy boıynsha bıyl qoljetimdi turǵyn úı qurylysynyń kólemi úsh ese ósti, bul 8 myńnan astam páter: satyp alý quqyǵynsyz jalǵa beriletin turǵyn úı jáne turǵyn úı kezeginde turǵan Turǵyn úı qurylys jınaq bankiniń salymshylary. Páterlerdi kezekke sáıkes úlestiremiz. Áleýmettik turǵyn úı áleýmettik osal sanatqa arnalǵan, bul erekshe qajettilikteri bar balalardy tárbıelep otyrǵan analar, jetim balalar, tolyq emes otbasylar, zeınetkerler, soǵys ardagerleri, kóp balaly otbasylar jáne t.b. Kelesi aptanyń sońynda taǵy myń áleýmettik páterdi tabystaımyz.
Sonymen qatar biz «Qazaqstandyq ıpotekalyq kompanııamen» birge qoljetimdi baspana alýshylar sanatyn keńeıttik. Osy baǵdarlama boıynsha áleýmettik qyzmetkerler, medıtsına qyzmetkerleri, muǵalimder, polıtseıler, mádenıet jáne sport qyzmetkerleri páter alýǵa ótinish bere alady. Aptap ystyqqa, jańbyr men aıazǵa qaramaı jumys jasaıtyn qurylysshylarymyzǵa erekshe alǵys aıtamyz. Árqaısyńyzǵa amandyq, densaýlyq jáne tabys tileımin. Qonys toılaryńyz qutty bolsyn!» - dedi elorda ákimi Altaı Kólginov.
«Turǵyn úı qurylys jınaq banki» AQ basqarma tóraǵasy Lázzat Ibragımova bıyl sońǵy 8 aıda 5 myń bank salymshysy óz úılerin alǵanyn atap ótti.
«Qonys toı ıelerin quttyqtaımyn. Belsendi yntymaqtastyq úshin ákimdikke rızashylyǵymdy bildire otyryp, barshańyzǵa densaýlyq pen jańa úılerińizge baqyt tileımin» - dedi L.Ibragımova.