«Nurly jer»: Aqtóbelikter páterlerdiń sapasymen tanysty

AQTÓBE. QazAqparat - Oblysta «Nurly jer» baǵdarlamasymen beriletin páterge ótinishter qabyldana bastady. Satyp alýshylar aldyn ala jańa baspanalaryn kórdi, dep habarlaıdy QazAqparat tilshisi.

Turǵyn úı qurylys jınaq banki memlekettik baǵdarlama arqyly salynǵan turǵyn úılerdi salymshylarǵa kórsetti. «Nur-Aqtóbe» yqsham aýdanyndaǵy úılerdiń ár sharshy metri 120-135 myń teńge. «1 bólmeli páterdiń 1 sharshy metri 120 myń, 2 bólmeli páterdiń 1 sharshy metri 135 myń, 3 bólmeli páterdiń 1 sharshy metri 130 000 teńge boldy. «Nurly jer» memlekettik turǵyn úı baǵdarlamasyna qatysýǵa ótinish 15 qarashaǵa qabyldanady. Ótinish berýshilerge qoıylatyn talaptar, páter sıpattamasy, ǵımarat qasbeti jáne páterlerdiń jobalanýyn Baspana.kz saıtynan kórýge bolady», - dedi Turǵyn úı qurylys jınaq banki Aqtóbe fılıalynyń qyzmetkeri Maqsat Zaıtov. Aıta keteıik, jyl sońyna deıin 1 myńǵa jýyq páter qoldanysqa beriledi.