Nurly jer: Aqtóbede 81 páter paıdalanýǵa beriledi
Aqtóbe elimiz boıynsha qurylys komanııasynyń nesıesin sýbsıdııalaǵan alǵashqy óńir. «Nurly jer» baǵdarlamasy aıasynda qurylysy júrgizilgen 9 qabatty turǵyn úı paıdalanýǵa berildi. Bul baǵyttaǵy jumys ári qaraı jalǵasyp, memlekettik baǵdarlamanyń jeke qurylys kompanııalaryn yntalandyrý baǵyty boıynsha nesıe paıyzy sýbsıdııalanyp jatyr.
«Nurly jer» baǵdarlamasy sheńberinde Aqtóbe qalasynda ekinshi jobaǵa sýbsıdııa berildi. «Hıba-Naz» JShS paıyzdyq ústemeaqyny sýbsıdııalaý múmkindigine qol jetkizdi. Jyldyq paıyzdyq mólsherleme - 14% , onyń 7% «Damý» qorymen sýbsıdııalandy. Qurylys kompanııasy ekinshi deńgeıli bankten 195 mıllıon teńge alǵan bolatyn. Bul qarjy bıyl paıdalanýǵa beriletin 5 qabatty turǵyn úıdiń qurylysyna jumsaldy. Turǵyn úıde 81 páter bar»,- «Damý» Qory Aqtóbe oblystyq fılıalynyń bas menedjeri Álibı Sabyr.
Buǵan deıin habarlaǵanymyzdaı, «Nurly jer» baǵdalamasy aıasynda Aqtóbede 194 kottedj salynyp jatyr. Barlyǵy 22 taýnhaýs paıdalanýǵa beriledi. Bul turǵyn úıler paıdalanýǵa berilgen kezde 1 myńnan astam adam baspanaly bolady . Qazirgi ýaqytta turǵyn úı qurylysyna qajetti materıaldardy 130 kásiporyn óndirip jatyr. Jospar boıynsha jańa yqsham aýdanda 1200 oryndy mektep, balabaqsha men emhana salynady.