«Nurly jer»: Aqtóbede 1400-den astam páter beriledi

AQTÓBE. QazAqparat – Nur–Aqtóbe yqsham aýdanynda «Nurly jer» baǵdarlamasymen 27 kópqabatty úı salynyp jatyr. Bıyl barlyǵy 1420 páter baspana kezeginde turǵan azamattarǵa beriledi, dep habarlaıdy QazAqparat tilshisi.

Aqtóbede 20-dan astam merdiger kompanııa memlekettik baǵdarlama aıasynda qurylys jumystaryn júrgizip jatyr. Búgin Turǵyn úı qurylys jınaq banki páterlerdiń sapasymen tanystyryp, alda beriletin úılerdi kórsetti. Máselen, «Aqtóbe sáýlet» kompanııasy salǵan úıdiń jobasy men qurylys materıaldarynyń sapasy satyp alýshylardy tolyq qanaǵattandyrady. Al «Solers» kompanııasynyń páterlerine syn kóp. Qalalyq qurylys bólimi muny jobalaý jumystarymen baılanystyryp otyr. Jalpy Aqtóbede «Nurly jer» baǵdarlamasymen bıyl 27 kópqabatty úı qoldanysqa beriledi.

«Aqtóbe qalasynda 1420 páter beriledi degen jospar bar. Bıyl talap jeńildep, azamattardyń baspanaly bolý múmkindigi artty. Kez kelgen qazaqstandyq bank saıtyna kirip, baǵdarlamaǵa qatysýǵa ótinish bere alady. Sonymen qatar bank bólimshesine baryp, keńesshilerdiń kómegimen arnaıy kompıýter arqyly ótinish qaldyrady. Taıaýda «Nurly jer» baǵdarlamasyna qoıylatyn talap ózgerdi. Páteri bar adam búgin ony satyp, erteń osy baǵdarlama arqyly ótinish bere alady. Ári qalada turaqty tirkeýde turý qajet emes», - dedi «Turǵyn úı qurylys jınaq banki» AQ oblystyq fılıaly dırektorynyń orynbasary Elmıra Eskendirova.

Aıta keteıik, bir bólmeli páter quny 4,4 teńgeden bastalady. Al eki bólmeli páter 7,5 mıllıon teńge. Aqtóbe qalasy boıynsha 2-3 bólmeli páterge suranys joǵary. Páter alýshylar bir bólmeni qup kórmeıdi. Al «Baqytty otbasy» baǵdarlamasy aıasynda 500-den astam ótinish maquldanǵan.

«Baqytty otbasy» baǵdarlamasymen 540 ótinish qabyldandy. Olar «Nurly jer» baǵdarlamasymen sanylǵan jańa úılerdi, tipti ekinshi deńgeıli páterlerdi satyp ala alady. Kóbi eski úılerdi tańdady. Al Nur – Aqtóbe yqsham aýdanynan 100-den astam páter berildi», - dedi dedi «Turǵyn úı qurylys jınaq banki» AQ oblystyq fılıaly dırektorynyń orynbasary Elmıra Eskendirova. Kópbalaly otbasynyń biri – Ásel Babaeva. Ol ákimdikten qaıtarymsyz sertıfıkat ıelendi. Aldaǵy 19 jylda nesıe tóleıdi.

«Úsh bólmeli páter aldym. Aýmaǵy – 85,1 sharshy metr. Ózimniń tórt balam bar. Kúıeýim jumys isteıdi, ózim bala kútimimen úıde otyrmyn. Biz Turǵyn úı qurylys jınaq bankinen shot ashyp, 1,5 mıllıon teńge jınadyq. Sodan soń ákimdik bizge qaıtarymsyz 1 mıllıon teńge sertıfıkat berdi. Sóıtip baspanaly boldyq. Buǵan deıin páter jaldap júrip, qınalǵan edik», - dedi kópbalaly ana Ásel Babaeva.