«Nurly jer»: Aqsaı qalasynda toǵyz qabatty turǵyn úı paıdalanýǵa berildi
BQO ákimdigi málim etkenindeı, kezekte turǵan 126 adam baspanaly boldy.
Bórli aýdanynda «Nurly jer» baǵdarlamasy aıasynda úsh kópqabatty úı turǵyzý josparlansa, bul – sonyń ekinshisi. Bıylǵy mamyrda «Otbasy bank» salymshylary úshin osyndaı 126 páterlik úı iske qosylǵan edi.
Jańa úıdiń ereksheligi, munda páterler satyp alý quqyǵynsyz jalǵa beriledi. Baspanaly bolǵandar ishinde jetim ósken 40 turǵyn, 48 kópbalaly otbasy bar. Turǵyn úıi apatty dep tanylǵan bir azamat ta páter kiltin aldy.
Qalanyń 10-shaǵynaýdanynda boı kótergen turǵyn úıdiń aýlasynda balalar jáne sport alańdary bar. Mektep-lıtseı men eki balabaqsha da qashyq emes.
Ekinshi dúnıejúzilik soǵystyń ardageri Mıhaıl Shepelge jańa úıden jekeshelendirý quqyǵymen bir bólmeli páter berildi. Oǵan aýdan basshylyǵy tarapynan syı retinde teledıdar tartý etildi.