Nurly jer: Aqmolada baǵdarlama boıynsha 4,2 myń baspana beriledi

ASTANA. QazAqparat - Aqmola oblysynda «Nurly jer» memlekettik baǵdarlamasy boıynsha bıyl 4 200 baspana paıdalanýǵa beriledi. Bul týraly oblys ákimi M.Myrzalın málim etti, dep habarlaıdy QazAqparat tilshisi.

«Elbasynyń halyqty qoljetimdi ári sapaly baspanamen qamtamasyz etý týraly tapsyrmasy ákimdiktiń basty nazarynda. Buǵan dálel, «Nurly jer» baǵdarlamasyna sáıkes turǵyn úı salýǵa ınfestıtsııa kólemi 9 aıdyń ishinde 35% ósti. Jyl sońyna deıin 465 myń sharshy metr turǵyn úı ıaǵnı 4 200 páter paıdalanýǵa beriledi. Onyń ishinde 14 turǵyn úı jaldamaly, 4 turǵyn úı nesıe túrinde. Budan bólek, jeke qurylysty damytý boıynsha 5 800 jer telimin ınjenerlik kommýnıkatsııalarmen qamtamasyz etý jumystary jospar boıynsha júrgizilýde», - dedi M.Myrzalın.

Oblys basshysy, sonymen qatar óńirdegi «7-20-25» turǵyn úı baǵdarlamasynyń júzege asyrylý jaıyna da toqtaldy.

«Aldaǵy 2 jylda 11 zamanaýı keshen turǵyzylady, ol degenimiz 2 670 páterden turatyn 26 turǵyn úı. Osy jyldyń 25 qazanyndaǵy jaǵdaı boıynsha 1,3  mlrd teńgeni quraıtyn 151 ótinim maquldandy, atalǵan baǵdarlama boıynsha respýblıka reıtınginde biz 5-oryndamyz», - dedi ol.

Sonymen qatar, M.Myrzalın 2019 jyly jastar jylyna oraı «Aqmola jastary» baǵdarlamasynyń qolǵa alynatynyn, sonyń aıasynda Kókshetaýda 4 turǵyn úı salynyp, 400 jas otbasy baspanamen qamtylatynyn da aıtyp ótti.

Buǵan deıin habarlaǵanymyzdaı, búgin Aqmola oblysynyń ákimi aımaqtyń osy jyldyń 9 aıyndaǵy áleýmettik-ekonomıkalyq damýyn qorytyndy esep berýin ótkizdi. Baspasóz máslıhatynda óńirde «Bıznestiń jol kartasy» baǵdarlamasy boıynsha 15 myń jumys orny ashylǵanyn aıtqan bolatyn. 

Odan bólek, aımaq basshysy elorda irgesindegi eldimekenderdiń damýyna qatysty túsinik berdi.