«Nurly jer»: 2018 jyly Qostanaı oblysynda qansha baspana salynady

QOSTANAI. QazAqparat - «Turǵyn úı qurlys jınaq banki» 2018 jyly «Nurly jer» memlekettik baǵdarlamasy aıasynda myńnan astam baspana salyp, qoldanysqa beredi. Bul týraly Óńirlik kommýnıkatsııalar qyzmeti ortalyǵynda atalmysh bank fılıalynyń dırektory Dáýren Saýdabaev málim etti, dep habarlaıdy QazAqparat.

Qostanaı oblysynda jyl basynan beri atalǵan bank jelisi boıynsha 13 turǵyn úı paıdalanýǵa berilgen. Bul nysandardyń barlyǵy «Nurly jer» memlekettik baǵdarlamasynyń aıasynda salyndy. Tıisinshe, bul turǵyn úıler bank salymshylary arasynda satyldy. «Turǵyn úı qurylys jınaq banki» keler jyly memlekettik baǵdarlama boıynsha qoljetimdi baspana sanyn arttyrmaq. Aımaqta jalpy aýmaǵy 70 myń sharshy metr bolatyn myńnan asa páterdiń qurylysy josparlanǵan.

«Búginde  528 páteri bar kópqabatty 9 úı paıdalanýǵa berildi. Olardyń 7-eýi Qostanaı qalasynda, al qalǵan ekeýi Zarechnoe aýylynda boı kóterdi. Úılerdiń bir sharshy metri 140 myń teńge turady. Nesıelik úıler boıynsha «Báıterek development» AQ taǵy 11 nysandy salýǵa kiristi. Qazirge deıin 402 páter satylýǵa daıyn. Baǵdarlama aıasynda salynǵan páterlerdiń kem degende 50% jergilikti ákimdikte turǵyn úı kezeginde turǵan azamattar arasynda taratylady», - dedi bank dırektory.

Dáýren Saýdabaevtyń aıtýynsha, «Nurly jer» baǵdarlamasy boıynsha salynyp jatqan nysandar týraly tolyq aqparatty baspana.kz saıtynan bilýge bolady. Bul - turǵyn úıdi úlestirý kezinde ashyqtyqty saqtaý jáne paıdalanýshylarǵa yńǵaıly qyzmet kórsetý úshin jasalǵan portal. Sondaı-aq salymshylar osy portal arqyly baspanany úıden shyqpaı-aq tańdaı alady.

Eske salaıyq, bıyl Qostanaı qalasynda «Nurly jer» baǵdarlamasy boıynsha 630 páterli kópqabatty 13 úı paıdalanýǵa berildi