«Nurly jer»: 144 atyraýlyq otbasy baspanaly boldy

ATYRAÝ. QazAqparat – Atyraý oblysynda 144 otbasy Táýelsizdik kúni merekesi qarsańynda baspanaly boldy, dep habarlaıdy QazAqparat tilshisi.

«Nurly jer» baǵdarlamasy aıasynda «Bereke» yqshamaýdanynda salynǵan úıden páter kiltterin Atyraý qalasy ákiminiń orynbasary Rınat Jańǵylyshov pen «Turǵyn úı qurylys jınaq banki» AQ Basqarma tóraǵasynyń orynbasary Nurlan Aqshanov tabystady. «Qazirgi tańda, Atyraý qalasynda turǵyn úı qurylysynyń qarqyny jedel. Jyl basynan beri »Nurly jer« baǵdarlamasy boıynsha 256 páter berilgen edi. Búgin taǵy 144 páter kiltin tabys ettik. Osylaısha, bıyl 400 atyraýlyq jańa baspanaǵa ıe boldy», - dedi Rınat Jańǵylyshov. «Nurly jer» baǵdarlamasy aıasynda baspana konkýrstyq negizde 50/50 qaǵıdaty boıynsha úlestiriletinin atap ótý kerek. ıAǵnı, páterlerdiń 50% kem emes bóligi turǵyn úı kezeginde turǵan atyraýlyqtarǵa berilse, qalǵan 50% «Turǵyn úı qurylys jınaq bankiniń» salymshylary satyp ala alady. «Búginde Atyraý oblysynyń 68 myńdaı turǵyny »Turǵyn úı qurylys jınaq bankiniń« esep-shottarynda qarajat jınaýda. Bıyl 14 myńǵa jýyq atyraýlyqpen kelisimshart jasalyp, banktiń Atyraý oblystyq fılıaly jalpy sommasy 11,6 mlrd teńge bolatyn 1047 nesıe berdi», - dedi banktiń Basqarma tóraǵasynyń orynbasary Nurlan Aqshanov.