Dzıýdoshy Nurlyhan Sharhan Olımpıadany sátti bastady
13:40, 01 Tamyz 2024
<p>PARIJ. KAZINFORM — Frantsııa astanasy Parıj qalasynda ótip jatqan Olımpıada oıyndarynda búgin dzıýdodan erler arasynda Nurlyhan Sharhan alǵashqy beldesýin ótkizdi.</p>
Nátıjesinde 100 kelige deıingi salmaqta el namysyn qorǵaǵan otandasymyz alǵashqy beldesýinde belgııalyq Toma Nıkıforovtan aılasyn asyryp, kelesi aınalymǵa ótti.
Esterińizge sala keteıik, osyǵan deıin dzıýdodan 60 keli salmaqta Eldos Smetov chempıon atansa, Ǵusman Qyrǵyzbaev qola medal jeńip alǵan bolatyn.
Aıta keteıik, búgin, 1 tamyzda Parıj Olımpıadacynda qazaqstandyqtar sporttyń 4 túrinen – sadaq atý, nysana kózdeý, dzıýdo jáne bokstan jarys jolyna shyǵady.
Olımpıadanyń tórtinshi jarys kúninen keıin Qazaqstan quramasynyń qorjynynda 1 altyn, 2 qola júlde bar.
Medaldar kestesinde 16-orynǵa jaıǵasty.