Nurlybek Ónerbaev Aqtóbe oblysy Qarǵaly aýdanynyń ákimi qyzmetine taǵaıyndaldy
Aqtóbe oblysy ákimi baspasóz qyzmetiniń habarlaýynsha, Qarǵaly aýdandyq máslıhatynyń kezekten tys jıyrma birinshi sessııasy ótti. Oǵan depýtattarmen qatar Aqtóbe oblysynyń ákimi Ashat Shaharov, aýdandyq máslıhat tóraǵasy Saparbek Amanjolov qatysty.
- Otyrys barysynda óńir basshysy Ashat Shaharov Qarǵaly aýdany ákiminiń laýazymyna Ónerbaev Nurlybek Amandollaulyn taǵaıyndaýǵa usynys bildirdi, ómirbaıanymen tanystyrdy. Máslıhat depýtattary oblys ákimin qoldap, usynysqa biraýyzdan kelisim berdi. Ashat Shaharov, depýtattar jańa aýdan basshysynyń aldaǵy jumysyna sáttilik tiledi,- dep habarlady Aqtóbe oblysy ákiminiń baspasóz qyzmeti.
Aıta keteıik, Nurlybek Ónerbaev Muǵaljar aýdany Qandyaǵash qalasynyń týmasy. 2002 jyly Q. Jubanov atyndaǵy Aqtóbe memlekettik ýnıversıtetin ekonomıst mamandyǵy boıynsha bitirgen. 2004 jyly Qazaq gýmanıtarlyq zań ýnıversıtetin zańger mamandyǵy boıynsha támamdady. Eńbek jolyn 2002 jyly Aqtóbe qalasynyń qarjy bóliminiń materıaldyq óndiris salalary bóliminiń bas mamany bolyp bastaǵan. 2007 jyldan bastap oblystyq Qarjy departamenti naqty sektordy qarjylandyrý bóliminiń basshysy bolyp taǵaıyndaldy. 2009-2011 jyldary aralyǵynda Qarǵaly turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy, Ekonomıka jáne bıýdjettik josparlaý bóliminiń basshysy, 2011-2013 jyldary aralyǵynda Aqtóbe oblystyq Tekserý komıssııasynyń múshesi boldy. 2013-2016 jyldary aralyǵynda «Aqbulaq» AQ vıtse prezıdenti, 2016-2021 jyldary aralyǵynda Aqtóbe oblysynyń Qarjy basqarmasy basshysynyń orynbasary bolyp, 2021 jyldan bastap qazirgi ýaqytqa deıin Aqtóbe oblystyq Qarjy basqarmasynyń basshysy qyzmetin atqardy.