Nurlan Uranhaev Semeı turǵyndaryn jeke qabyldady, basty saýaldyń biri – baspana

SEMEI. QazAqparat – Abaı oblysynyń ákimi Nurlan Uranhaev Semeı qalasynyń turǵyndarymen kezdesýden keıin jeke máselemen jazylǵan azamattardy qabyldady, dep habarlaıdy QazAqparat aımaq basshysynyń baspasóz qyzmetine silteme jasap.

Oblys ákimi shamamen úsh saǵat ishinde 30-dan astam adamdy jeke qabyldady.

Semeılikterdi tolǵandyratyn máselelerdiń biri – turǵyn úı. Óńir basshysynyń qabyldaýyna negizinen kópbalaly jáne jalǵyzbasty analar, zeınetkerler jazylǵan.

Jeke áńgimelesý formatynda ótken kezdesýde oblys ákimi azamattardyń tolǵandyrǵan máselelerdi tyńdap, olardy qoldanystaǵy memlekettik baǵdarlamalarmen tanystyrdy. Sondaı-aq, qajetti qujattardy daıyndaýǵa kómek kórsetýdi Semeı qalasynyń ákimine tapsyrdy.

Turǵyndar tabıǵı apatqa baılanysty orman sharýashylyǵyn zamanaýı tehnıkamen jáne baılanys quraldarymen jabdyqtaý máselesin de kóterdi. Oblys basshysy arnaıy komıssııa osy problemalardyń bárin qarastyryp, jınalǵan qarajattyń kóp bóligin dál osy maqsattarǵa jumsaıtynyn jetkizdi.