Nurlan Uranhaev Abaı aýdanynyń jańa ákimin tanystyrdy

<p>Abaı oblysynyń basshysy Abaı aýdanynyń jańa ákimin tanystyrdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> oblys ákimdiginiń baspasóz qyzmetine silteme jasap.&nbsp;</p>

Búgin Abaı aýdanynyń aktıvimen kezdesýde oblys ákimi Nurlan Uranhaev aýdan jáne oblystyq mańyzy bar qala ákimderiniń saılaýy nátıjesinde saılanǵan aýdannyń jańa basshysyn tanystyrdy.

Qazaqstannyń «Saılaý týraly» zańyna sáıkes aýdannyń aýmaqtyq saılaý komıssııasynyń sheshimi negizinde Meıirjan Serikbosynuly Smaǵulov Abaı aýdanynyń ákimi laýazymyna saılandy.

Meıirjan Serikbosynuly eńbek jolyn bas maman bolyp bastap, memlekettik qyzmettiń barlyq baspaldaǵynan kezeń-kezeńimen ótti. Aýyldyq okrýg ákimi boldy, keıinnen aýdan ákiminiń orynbasary bolyp qyzmet atqardy.

Óńir basshysy Nurlan Uranhaev ótken saılaý demokratııalyq, áleýmettik-quqyqtyq damý baǵytyn tańdaǵan el damýynyń jańa kezeńin kórsetetinin erekshe atap ótti. Sondaı-aq jańa basshyny quttyqtap, qyzmetine tabys tiledi. 

Foto: Abaı oblysynyń ákimdigi

«Bul demokratııalyq, áleýmettik, quqyqtyq baǵytty tańdap alǵan elimiz úshin, damýdyń jańa kezeńi ekeni sózsiz. Kúni keshe, 5 qarashada el tarıhynda alǵash ret, 45 óńirinde ákimder saılaýy ótti. Olardyń qatarynda Abaı eliniń bolýy da zańdy qubylys dep esepteımin. Kópke úlgi bolǵan, qasıetti óńir óziniń saıası mádenıetin kórsetip, tańdaýyn jasady. Osy oraıda, saılaýdyń joǵary dárejede ótýine tikeleı septigin tıgizgen barsha aýdan turǵyndaryna alǵysymdy bildiremin!» - dedi oblys ákimi.

Jıyn barysynda Nurlan Uranhaev aýdannyń burynǵy ákimine eńbegi men óńirdiń damýyna qosqan úlesi úshin rızashylyǵyn bildirip, aldaǵy ýaqytta da óńirdegi jumysyn jalǵastyratynyn jetkizdi.