Nurlan Smaǵulov Beıjińde Great Wall Motor negizin qalaǵan seriktesimen ne týraly kelisti?
«Aspan asty eliniń óndirýshilerine Qazaqstan naryǵy óte qyzyqty. Biz bul yntymaqtastyqty damytatyn bolamyz. Búgin Great Wall Motor negizin qalaýshy Veı myrzamen kezdesý ótti. Bul kompanııa Qazaqstanda Haval avtomobılderin, GWM pıkaptaryn, jol talǵamaıtyn TANK kólikterin usynady. Great Wall Motor developerlik bıznesti, avtomobılderdi, tehnologııalardy, sonyń ishinde «jasyl» tehnologııany belsendi túrde damytýda, oǵan GWM enshiles kásiporny, SVOLT brendimen jańa energııa kózderin qoldanatyn avtomobılderge arnalǵan tartqysh batareıa shyǵaratyn zaýytqa barǵanda kóz jetkizdik. Biz qazir Almatyda salynyp jatqan jańa mýltıbrend zaýytynda TANK 300 modelin shyǵarý jospary aıasynda yntymaqtastyqty nyǵaıtamyz dep kelistik», – dedi Nurlan Smaǵulov jýrnalısterge.
Bıznesmen sondaı-aq, Qazaqstanda Great Wall Motor quramyna kiretin brendterdiń modeldik jelisi jańarǵany týraly habarlady. Atap aıtqanda, bıyl brendtiń jańa flagmany – Tank 700 satylymǵa shyǵady.
«Bul Qazaqstandaǵy jol talǵamaıtyn eń iri kólikterdiń biri bolady. Keshe biz polıgonda Tank 700 kóligin aıdap kórdik. Avtokólik qarqyny saǵatyna 200 shaqyrym jyldamdyqqa deıin jetti, bul óte áserli», - dedi Smaǵulov.
Qazaqstandyq kásipker Beıjiń avtosalonynan alǵan áserge qatysty bul ozyq jańalyqtardy búkil álemge pash etetin iri halyqaralyq oqıǵa ekenine nazar aýdardy.
«Qytaı qazirgi ýaqytta avtoónerkásip salasyndaǵy álemdik kóshbasshylardyń birine aınalyp qana qoımaı, ózine úlken nazar aýdarýda, jáne bul jerde qytaılyq brendter ǵana usynylmaǵan. Birinshi kúni motorshoýǵa 100 myńnan astam adam keldi. Munda tanystyrylatyn jańa ónimder tek qytaı naryǵyna ǵana emes, álemdik naryqqa, onyń ishinde Qazaqstanǵa da arnalǵan. ıAǵnı, biz búkil álemmen bir mezgilde avtomobıl ónimderiniń sońǵy jańalyqtarymen tanysa alamyz», – dedi Smaǵulov.
Aıta keteıik, Qazaqstanda Great Wall Motor 2021 jyldyń sáýir aıynan bastap tanys. Resmı dıstrıbıýtory «Astana Motors» quramyna kiretin Haval Motor Kazakhstan kompanııasy. Haval, Tank, GWM brendiniń dılerlik jelisine Qazaqstannyń 20 qalasy, sondaı-aq onlaın-dılerler kiredi.