Nurlan Seıtimov TMD Bas hatshysynyń orynbasary bolyp taǵaıyndaldy

<p>ASTANA. KAZINFORM &ndash; Táýelsiz Memleketter Dostastyǵy Bas hatshysy Sergeı Lebedev TMD Atqarý komıtetiniń ujymyna óziniń jańa orynbasary &ndash; Qazaqstan Respýblıkasynyń ókili Nurlan Seıtimovti tanystyrdy. Bul týraly TMD Atqarý komıtetiniń baspasóz qyzmeti habarlady.</p>

«Nurlan Seıtimov – tájirıbeli maman. Bizdiń TMD Atqarý komıtetindegi birlesken jumysymyz jarqyn ári nátıjeli bolatynyna senimdimin. Jumysqa degen yntańyzdyń joǵary ekeni kórinip tur, alda kóp jumys kútip tur», – dedi Sergeı Lebedev.

Nurlan Seıtimov óz jaýabynda osyndaı bedeldi halyqaralyq uıym qyzmetkerleriniń qatarynda bolǵanyna qýanyshty ekenin bildirdi. 

Foto: TMD Atqarý komıteti

«Men óz tarapymnan júktelgen jumysty laıyqty deńgeıde jalǵastyrý úshin bar kúsh-jigerim men tájirıbemdi jumsaıtynyma sendirgim keledi», - dep atap ótti Nurlan Seıtimov.

Nurlan Seıtimov TMD Bas hatshysynyń orynbasary bolyp Dáýren Abaevtyń ornyna keldi.

Nurlan Seıtimov 1964 jyly 9 shildede dúnıege kelgen. Semeı tehnologııalyq ınstıtýtyn jáne ál-Farabı atyndaǵy qazaq memlekettik ulttyq ýnıversıtetin bitirgen. Reseı Federatsııasy Syrtqy ister mınıstrliginiń Dıplomatııalyq akademııasyn úzdik bitirgen. Saıasat ǵylymdarynyń kandıdaty, nemis tilin biledi. Qazaqstan Respýblıkasynyń Tótenshe jáne ókiletti elshisi dıplomatııalyq dárejesi bar. «Qurmet» ordenimen marapattalǵan. Úılengen, ul, qyzy bar.