Nurlan Orazalın: Metro stansasynyń batyr Baýyrjan esimimen atalýynyń sımvolıkalyq máni bar

ALMATY. QazAqparat - Qala kúni qarsańynda máslıhat depýtattary Almaty ákimi Baqytjan Saǵyntaevtyń «Dostyq» beketin Baýyrjan Momyshuly dep ózgertý týraly bastamasyn qoldady. Aqyn, memlekettik syılyqtyń laýreaty Nurlan Orazalın bul usynysty jón sanaıdy, dep habarlaıdy QazAqparat tilshisi.

Jazýshy Nurlan Orazalınniń aıtýynsha, Baýyrjan Momyshuly - soǵys batyry ǵana emes, Jeńistiń naǵyz strategi.

Ótken jyly Qazaqstanda Keńes Odaǵynyń Batyry, ataqty qolbasshy, Panfılov sarbazy, halyq batyrynyń týǵanyna 110 jyl toldy.

Sonymen qatar, ol Uly Otan soǵysy belsendi ári azamattyq pozıtsııasyn ashyq ári batyl túrde kórsete bilgen kórnekti tulǵa ekenin atap ótti. Abyroıy asqaq nar tulǵaly adamdy tanytty. Onyń maıdandaǵy ómirbaıanynda Máskeý shaıqasy erekshe oryn alady.

«Bıyl Qazaqstan Respýblıkasynyń Táýelsizdigine 30 jyl toldy. Osy jyldar ishinde biz rýhanı salada úlken jetistikterge jettik. Sonyń biri - bizdiń elimizdiń tarıhyn durys túsindirý jáne keńinen nasıhattaý. Metro stansasyna dańqty batyr Baýyrjan Momyshulynyń esimi berilýi óte ádiletti. Burynǵy stansanyń «Máskeý» dep atalýy sımvolıkalyq, sebebi dál Momyshuly ony Uly Otan soǵysy kezinde qorǵaǵan. Ony uly tulǵa dep sanaýǵa bolady, ol soǵys kezinde halqymyzdyń týyna aınaldy, sondyqtan onyń esimi barshanyń jadynda bolýy, áleýmettik-mádenı nysandarǵa kórik berýi kerek», - dep atap ótti aqyn.

Máslıhat depýtattary megapolıs ákiminiń «Zapadnyı» avtovokzaly atalýy tıis bolashaq vokzaldyń ataýyn «Qarasaı» stansasyna ózgertý týraly usynysyn da qoldady.

Jańa stansa Almaty oblysynyń Qarasaı aýdanynyń shekarasynda salynady.

Belgilengen tártip boıynsha ákimdiktiń qaýlysy men Almaty qalasy máslıhatynyń sheshimi respýblıkalyq onomastıkalyq komıssııaǵa jiberiledi, onda túpkilikti sheshim qabyldanady.

Foto: ult.kz