Nurlan Ónerbaev «Abaı joly» aýdıokitabyn dybystaıdy
21:05, 20 Qarasha 2019
NUR-SULTAN. QazAqparat – Qazaqstannyń Ulttyq aýdarma bıýrosy qazaq tilindegi aýdıokitaptar toptamasyn ázirlep jatyr, dep habarlaıdy QazAqparat.
Bul týraly Ulttyq aýdarma bıýrosynyń atqarýshy dırektory Raýan Kenjehanuly málimdedi.
«Nurlan Ónerbaev aǵammen AudioKitap jobasyn talqylap otyrmyz. Nurekeń qazir «Abaı jolyn» dybystaý ústinde. Kelesi kezekte Іlııas Esenberlın, Muhtar Maǵaýınniń tarıhı shyǵarmalaryn dybystaýdy bastaımyz dep kelistik», - dep jazdy bıýro basshysy Facebook jelisinde.
Qazaq tilindegi aýdıokitaptar toptamasyn AppStore, PalyMarket-tegi AudioKitap qosymshasynan tabýǵa bolady. Munda qazirdiń ózinde 500-den asa shyǵarmanyń dybystalǵan nusqasy bar.
«Aýdıo-kitap qatary tolyǵyp, jańara beredi. Dybystaýǵa kitap/shyǵarma usynyńyzdar. Eń jıi atalǵan kitaptardy birinshi kezekte jazyp, salamyz», - dedi R. Kenjehanuly.