Nurlan Nyǵmatýlın TúrkPA Bas hatshysyn qabyldady

NUR-SULTAN. QazAqparat - Májilis Tóraǵasy Nurlan Nyǵmatýlın Túrkitildes memleketterdiń Parlamenttik Assambleıasynyń (TúrkPA) Bas hatshysy Altynbek Mamaıýsýpovty qabyldady, dep habarlaıdy QazAqparat.

Kezdesý barysynda TúrkPA-nyń mereıtoılyq X plenarlyq otyrysyna daıyndyq máseleleri talqylandy.

Túrkitildes elder parlamentshileriniń forýmy ústimizdegi jyldyń 27-28 qyrkúıeginde túrki áleminiń astanasy Túrkistan qalasynda ótedi. TúrkPA Keńesiniń H plenarlyq otyrysyna Ázirbaıjan, Qazaqstan, Qyrǵyzstan jáne Túrkııa parlamentteriniń basshylary qatysady dep kútilýde.

Májilis Tóraǵasy Nurlan Nyǵmatýlın Parlament ókilderiniń aldaǵy kezdesýi týraly aıtyp, X plenarlyq sessııanyń mańyzdylyǵyna toqtaldy.

Sonymen qatar, bul depýtattarǵa alǵashqy onjyldyqtaǵy jumysynyń qorytyndysyn shyǵaryp qana qoımaı, qazirgi zamannyń ózekti máselelerin eskeretin jáne odan ári yntymaqtastyqtyń keleshektegi baǵyttaryn tolyq aýqymdy talqylaýǵa múmkindik beretinine nazar aýdardy.

Qazaqstannyń Tuńǵysh Prezıdenti Nursultan Nazarbaevtyń bastamasymen qurylǵan túrkitildes elderdiń Parlamenttik Assambleıasy búginde Ázirbaıjan, Qazaqstan, Qyrǵyzstan jáne Túrkııanyń Parlament ókilderin qamtıdy.

Vengrııa 2014 jyly osy parlamenttik uıymda baqylaýshy mártebesin aldy. TúrkPA-nyń mereıtoılyq H plenarlyq otyrysyna Ózbekstannyń Olıı Majlıs Zań shyǵarý palatasynyń spıkeri bastaǵan ózbek Parlament ókilderi de shaqyryldy.