Nurlan Nyǵmatýlın TúrkPA Bas hatshysymen kezdesti
Kezdesý barysynda X plenarlyq otyrysqa daıyndyq máseleleri talqylandy.
Parlament ókilderiniń forýmyn ótkizý bıyl Qazaqstanda josparlanǵan bolatyn. Alaıda koronavırýs pandemııasyna baılanysty ony ótkizý kelesi jylǵa aýystyryldy. Májilis Tóraǵasy Nurlan Nyǵmatýlın keleshekte atalǵan indetke baılanysty jaǵdaıdyń turaqtanyp, túrkitildes elderdiń Parlament ókilderine yntymaqtastyqtyń ózekti máseleleri men onyń perspektıvalyq baǵyttaryn tolyq aýqymdy formatta talqylaýǵa múmkindik bolatynyna senim bildirdi.
Óz kezeginde TúrkPA Bas hatshysy Altynbek Mamaıýsýpov Assambleıanyń qyzmeti týraly habardar etip, onyń jumysy qazirgi jaǵdaılarǵa beıimdelgenin atap ótti.
Máselen, TúrkPA-ǵa múshe Parlament depýtattary, eń aldymen, densaýlyq saqtaý salasy máseleleri boıynsha ózara belsendi is-qımyl jasaýda. Júzdesý barysynda taraptar túrkitildes elder parlamentshileriniń keń aýqymdy máseleler boıynsha odan ári jemisti jumys isteıtinine senim bildirdi.