Nurlan Nyǵmatýlın Tuńǵysh Prezıdent kúnine arnalǵan halyqaralyq konferentsııada sóz sóıledi
Dástúrli forýmdy ashqan Májilis Tóraǵasy Nurlan Nyǵmatýlın QR Tuńǵysh Prezıdenti Nursultan Nazarbaevtyń táýelsiz Qazaqstannyń jáne onyń parlamentarızmin qalyptastyrý jolyndaǵy teńdessiz róline toqtaldy.
Májilis Tóraǵasy atap ótkendeı, Elbasymyz elimizdi barlyq qıyndyqtan aman alyp shyǵyp, iri saıası, ekonomıkalyq áleýmettik reformalar jasady. Memleketimizdi álemdik deńgeıge jetkizdi. «Qazaqstandyq damý joly» qalyptasty. Sondyqtan, shyn máninde, «Táýelsizdik joly ol – Elbasy joly». Osy damý jolymyz qazir Prezıdent Qasym-Jomart Toqaevtyń basshylyǵymen odan ári jalǵasýda.
Osy úlken jolda táýelsizdik tarıhymen birge kele jatqan qos palataly Parlamenttiń de úlesi zor ekenin basa aıtqan Nurlan Nyǵmatýlın:
«Búginde bizdiń kásibı Parlament qoǵamdyq pikirler men ashyq saıasattyń bıik orny bolýmen qatar, múmkindigi mol, qýaty myqty, joǵary zań shyǵarýshy organǵa aınaldy. Ózine júktelgen, árbir mindetti abyroımen atqaryp, Elbasy Nursultan Ábishuly Nazarbaevtyń jáne Memleket Basshysy Qasym-Jomart Toqaevtyń mańyzdy qadamdaryn, saıası, ekonomıkalyq, áleýmettik bastamalaryn sapaly zańdarmen qamtamasyz etip keledi», -dedi.
Sonymen qatar palata Spıkeri Qazaqstan Parlamentiniń órkenıetti elderdiń zańnamalyq organdarymen teń dárejede qyzmet etip, Elbasymyz aıtqandaı, naǵyz demokratııa mektebine aınalǵanyn jetkizdi.
Nurlan Nyǵmatýlınniń pikirinshe, osynyń barlyǵy Tuńǵysh Prezıdent N.Nazarbaevtyń el basqarýdaǵy dana, kóregen, syndarly saıasatynyń jemisi.
Májilis Tóraǵasy búgingi tańda búkil álemdi qamtyǵan kúrdeli ahýalǵa nazar aýdaryp, osyndaı qıyn jaǵdaıda bizdiń elimizde áleýmettik-ekonomıkalyq turaqtylyqty saqtaýǵa, jumyspen qamtýǵa jáne halyqtyń tabys deńgeıin qamtamasyz etýge zor kóńil bólindi.
«Daǵdarysqa qarsy jedel sharalar sheńberinde kiristerin ýaqytsha joǵaltqan 4,5 mıllıonnan astam qazaqstandyq aı saıynǵy óteýsiz memlekettik kómek aldy. Bul maqsatqa 450 mıllıardtan astam teńge jumsaldy. Osy kúrdeli kezeńde bizdiń Tuńǵysh Prezıdentimiz burynǵydaı barsha qazaqstandyqtar birliginiń kepiline aınalǵanyn erekshe atap ótkim keledi», - dedi.
Elbasynyń bastamasymen «Birgemiz» ulttyq qaıyrymdyq qory uıymdastyrylyp, jalpyhalyqtyq qozǵalys barlyq qazaqstandyqtardy bir maqsatqa jumyldyrdy. Sonymen qatar, qordyń birjolǵy qaıyrymdylyq qarjylaı qoldaýyna 550 myńnan astam qazaqstandyq otbasy ıe boldy. Mıllıonnan astam adam azyq-túlik jáne turmystyq kómekpen qamtylyp, myńdaǵan erikti muqtaj jandarǵa járdemdesti.
Óz kezeginde koronavırýstyń taralýyna qarsy turý jáne tótenshe jaǵdaı kezinde turaqtylyqty qamtamasyz etý jolynda Elbasynyń bastamasyna Májilis depýtattarynyń biraýyzdan qoldaý bilgirgenin aıtqan Palata Spıkeri Nurlan Nyǵmatýlın:
«Búginde Memleket Basshysy Qasym-Jomart Toqaevtyń ekonomıkalyq ósimdi qalpyna keltirý jónindegi bastamasy zańnamalyq qoldaýǵa ıe bolyp otyr. Ózderińizge belgili, aǵymdaǵy jyldyń naýryz aıynan beri Parlament erekshe jaǵdaıda jumys isteýde. Tótenshe jaǵdaı kezinde Parlamentte basqarýshylyq sheshimder qabyldaýdyń jańa úlgisi qoldanyla bastady. Ol zań jobalaryn qashyqtyqtan talqylaý júıesi. Biz úshin barlyq múddeli taraptardyń, depýtattardyń, memlekettik organdar men azamattyq qoǵamnyń úzdiksiz qashyqtyqtan jumys isteýin qamtamasyz etetin beıne baılanys, selektorlyq keńester jáne basqa da zamanaýı aqparattyq tehnologııalar múmkindigin barynsha paıdalaný mańyzdy boldy. Erekshe aıtý kerek, zań jobalaryn maquldaýdyń qarqyny men sapasy tómendegen joq. Óz ýaqytynda jedel ári tıimdi sheshimder qabyldandy», - dep atap ótti.
Sonymen qatar, konferentsııada Májilis Tóraǵasy eń aldymen, depýtattar ulttyq ekonomıka, aýyl sharýashylyǵy, halyqty áleýmettik qoldaý, densaýlyq saqtaý salasyndaǵy júıeli sharalar, epıdemıologııalyq jaǵdaıdy turaqtandyrý, bilim berýdiń barlyq deńgeıleriniń sapasy máselelerin erekshe baqylaýǵa alǵanyn jetkizdi.
Sondaı-aq, palata Spıkeri Nurlan Nyǵmatýlın búginde elimizde ekonomıkalyq ósimdi qalpyna keltirý, shaǵyn jáne orta bıznesti qoldaý, halyqtyń áleýmettik ál-aýqatyn nyǵaıtý boıynsha jumystar belsendi júrgizilip jatqanyna nazar aýdardy.