Nurlan Nyǵmatýlın Tegeran mańyndaǵy ushaq apatyna baılanysty kóńil aıtty

NUR-SULTAN. QazAqparat – Májilis tóraǵasy Nurlan Nyǵmatýlın Tegeran halyqaralyq áýejaıy mańynda Ýkraına jolaýshylar laıneriniń apatqa ushyraýy saldarynan azamattary qaza tapqan birneshe eldiń parlamentteri basshylaryna kóńil aıtý jedelhatyn joldady, dep habarlaıdy QazAqparat tómengi palatanyń baspasóz qyzmetine silteme jasap.

«Tegeranda ushaq apatynan oryn alǵan qaıǵyly jaǵdaıdy kúızelispen qabyldadym. Oqıǵa saldarynan qaza bolǵan azamattar elderi Parlamentteriniń spıkerlerine kóńil aıtý jedelhatyn joldadym. Qaza bolǵandardyń otbastaryna, barsha jaqyndaryna qaıǵyryp kóńil aıtamyn», -dep jazdy Nurlan Nyǵmatýlın óziniń Twitter-degi jeke akkaýntynda.

Eske sala ketsek, 8 qańtarda Tegeran ýaqytymen saǵat 6:00-de Imam Homeını atyndaǵy áýejaıdan Tegeran-Kıev baǵytymen ushyp shyqqan «Ýkraına halyqaralyq áýe jelileri» áýe kompanııasynyń Boeing-737 ushaǵy apatqa ushyrady. Onyń bortyndaǵy 168 jolaýshy men 9 ekıpaj múshesi túgelge jýyq qaza tapty.