Nurlan Nyǵmatýlın SQO turǵyndaryna memlekettik marapattardy tabys etti
Qazaqstan Prezıdenti Qasym-Jomart Toqaevtyń tapsyrmasymen el Táýelsizdiginiń 30 jyldyǵyn merekeleý qarsańynda Májilis Tóraǵasy Nurlan Nyǵmatýlın Soltústik Qazaqstan oblysynyń turǵyndaryna memlekettik nagradalardy tabys etti.
Osy jyldardyń bizdiń elimiz úshin mańyzdylyǵy týraly aıtqan Májilis Spıkeri olardyń Qazaqstannyń qalyptasýy, damýy jáne nyǵaıýy úshin mańyzdylyǵyn atap ótti.
Májilis Spıkeri Tuńǵysh Prezıdentimiz - Elbasy Nursultan Ábishuly Nazarbaevtyń «aldymen ekonomıka, odan keıin saıasat» – degen dana, kóregen, salıqaly saıasatynyń arqasynda biz barlyq qıyndyqtardan aman-esen shyǵyp, bir bıikten - bir bıikke jetkenin atap ótti. Osy jolda Memleket Basshysy Qasym-Jomart Kemeluly Toqaev elimizdiń damý strategııasyn odan ári jalǵastyryp, saıası, áleýmettik-ekonomıkalyq reformalardy júzege asyryp jatqanyn aıtty.
Sonymen qatar, Nurlan Nyǵmatýlın Soltústik Qazaqstan oblysy men turǵyndarynyń táýelsiz Qazaqstannyń jetistikterine qosqan eleýli úlesin atap ótti.
Májilis Tóraǵasy atap ótkendeı, qazirgi ýaqytta Soltústik Qazaqstan oblysy óndiristik salada joǵary nátıje kórsetip, onda jyl saıyn jańa kásiporyndardy iske qosyp, kóptegen jańa jumys oryndaryn ashýda.
«Sizderde shyǵatyn ónimniń kóptegen túrleri tek Qazaqstanda ǵana emes, álemdik naryqta da belgili», - dedi Palata Tóraǵasy.
Marapatqa ıe bolǵandardyń arasynda ǵalymdar, aýyl sharýashylyǵy taýarlaryn óndirýshiler, muǵalimder men dárigerler, jumysshylar men qutqarýshylar, kásipkerler, ártister men sportshylar bar.
«Parasat» ordenimen arheolog Vıktor Zaıbert marapattaldy. Ol Soltústik Qazaqstannyń ejelgi tarıhy boıynsha birneshe ǵylymı jańalyqtardyń, kóptegen kitaptar men maqalalardyń avtory. Qazaqstandyq ǵalymǵa jylqyny qolǵa úıretýdiń eń kóne eskertkishi sanalatyn eneolıt dáýiriniń «Botaı qonysy» biregeı eskertkishiniń ashylýy álemdik tanymaldylyqqa ıe boldy.
«Qurmet» ordenimen Petropavl balalar áleýmettik qyzmet kórsetý ortalyǵynyń tárbıeshisi Elena Kıslıakova, Ekpin Ábıev, Qalym Danıarov, Abdýrahım Nýkaev aýyldaryn damytýǵa qarjylyq qoldaý kórsetip otyrǵan fermerlik sharýashylyqtardyń basshylary marapattaldy.
III dárejeli «Eńbek Dańqy» ordeniniń ıegerleri eńbek ardageri, mehanıkalyq jınaý tsehynyń tokary Sergeı Karetov jáne qurylys salasynda 40 jyldan astam jumys isteıtin kranshy Farhan Safargaleev ıelendi. «Erligi úshin» medali 16 adamnyń ómirin qutqarǵan órt sóndirýshi Aıtbaı Sádýaqasovqa, «Eren eńbegi úshin» medali - kardıolog dáriger Asqar Moljigitovke, jeńil atlet Irına Ektovaǵa, «Shapaǵat» medali - balalar úıiniń tárbıeshisi Aıym Ábdirahmanovaǵa, Ýálıhanov aýdandyq aýrýhanasynyń bas medbıkesi Marına Ohmatqa tabystaldy.
Nurlan Nyǵmatýlın óńir turǵyndaryn aıtýly kúnmen jáne joǵary nagradalarmen quttyqtaı otyryp, elimizdiń damýynyń mańyzdy kezeńinde jańa tabystarǵa jetetinine senim bildirdi.