Nurlan Nyǵmatýlın ShQO Eńbekpen qamtý ortalyǵynda kópbalaly analarmen kezdesti

ÓSKEMEN. QazAqparat - Búgin Májilis tóraǵasy Nurlan Nyǵmatýlın Shyǵys Qazaqstan oblysyna sapary barysynda Óskemendegi Eńbekpen qamtý ortalyǵynda bolyp, kópbalaly analarmen jáne mekeme qyzmetkerlerimen kezdesti, dep habarlaıdy QazAqparat tómenngi palatanyń baspasóz qyzmetine silteme jasap.

Nurlan Nyǵmatýlın atalǵan ortalyqqa kelýshilerdiń áleýmettik ahýalymen, AÁK jańa túrine baılanysty qujattyq rásimdeý jaıymen jáne qyzmet kórsetý sapasymen, basqa da ózekti suraqtarmen tanysty. Májilis tóraǵasymen kezdesýshiler qatarynda bolǵan analar túrli memlekettik qoldaý arqyly qol jetkizgen jetistikterimen bólisti.

Májilis spıkeri osy jyldan bastap kópbalaly analarǵa jańa memlekettik járdemaqy taǵaıyndalǵanyn eske saldy. Ol bala sanyna qaraı 42,5 teńgeden 74 myń teńgege deıin qamtıdy. Bul járdemaqyny tóleýde otbasy kirisi esepke alynbaıdy. AÁK tóleýdiń mindetti sharty eńbekke ornalastyrý. Tıisti bilim nemese mamandyq bolmaǵan jaǵdaıda «Eńbek» baǵdarlamasy arqyly memleket esebinen oqyp, mamandyq alýǵa múmkindik beriledi.

Ótken jyldyń 11 aıy ishinde 12 myń qazaqstandyq qatysyp, AÁK alyp, óz bıznesterin ashqan. 120 myń aýyl azamattary ózderiniń jeke sharýashylyqtary jumysyn jolǵa qoıǵan.